સુપ્રીમ કોર્ટના નિર્ણય બાદ કુમાર વિશ્વાસે શાયરાના અંદાજમાં AAP પર કર્યો કટાક્ષ

સુપ્રીમ કોર્ટના નિર્ણય બાદ ખુશી મનાવી રહેતા આપ કાર્યકર્તાઓ પર નિશાન સાધતા કુમાર વિશ્વાસે પ્રખ્યાત શાયર મેરાજ ફૈજાબાદીનો એક શેર લખ્યો. કુમાર વિશ્વાસે શાયરાના અંદાજમાં તે જણાવ્યું કે, દિલ્હીની કોઈને ચિંતા નથી બસ બધા તે વાત પર લડી રહ્યાં છે કે સરકાર કોન છે. તેણે પોતાના ટ્વીટમાં લખ્યું. 'કિસ કો યે ફિક્ર હૈ કી કબીલે કા ક્યા હુઆ?' સબ ઇસ પે લડ રહે હૈ સરકાર કોન હો..! (મેરાજ ફૈજાબાદી)

“किस को ये फ़िक्र है की क़बीले का क्या हुआ ?
सब इस पे लड़ रहे हैं कि सरदार कौन हो...!”
(मेराज फ़ैज़ाबादी)

— Dr Kumar Vishvas (@DrKumarVishwas) July 4, 2018

મહત્વનું છે કે, સુપ્રીમ કોર્ટના આ નિર્ણય બાદ સીએમ અરવિંદ કેજરીવાલે આને લોકતંત્રની જીત ગણાવી. 

કેજરીવાલે કહ્યું, સુપ્રીમ કોર્ટના નિર્ણય દિલ્હીની જનતાની જીત છે. કેજરીવાલે નિર્ણયના થોડા સમય બાદ ટ્વીટ કહ્યું, દિલ્હીના લોકોની એક મોટો જીત.. લોકતંત્ર માટે એક મોટી જીત..

A big victory for the people of Delhi...a big victory for democracy...

— Arvind Kejriwal (@ArvindKejriwal) July 4, 2018

આ મામલા પર વકીલ સોમનાથ ભારતીએ કહ્યું કે, જમીન, કાયદો અને પોલીસ પર દિલ્હી સરકારનો હક નથી. આ ત્રણ વિષયો સિવાય દિલ્હી સરકાર તમામ વસ્તુ પર પોતાનો હક માંગી શકે છે. કોર્ટના નિર્ણય બાદ મીડિયાને સંબોધિત કરતા દિલ્હીના ઉપમુખ્યમંત્રી મનીષ સિસોદિયાએ કહ્યું કે, તે આ નિર્ણયથી ખુશ છે અને આ સુપ્રીમ કોર્ટની ઐતિહાસિક ટિપ્પણી છે. હવે કોઈ ફાઇલ મોકલવી પડશે નહીં. તેમણે કહ્યું કે, ત્રણ વિષયોને છોડીને દિલ્હી સરકાર પાસે તમામ અધિકારો હાજર છે.