હિજાબ કેસ: જજ વિરુદ્ધ ટ્વીટ કરીને મુશ્કેલીમાં મૂકાયો આ અભિનેતા, થઈ ધરપકડ

ટ્વીટ કરીને ફસાયો ચેતન
ચેતનકુમારની ટ્વીટના આધારે શેષાદ્રિપુરમમાં એફઆઈઆર દાખલ થઈ હતી. મળતી માહિતી મુજબ ચેતને કથિત રીતે હિજાબ મામલે સુનાવણી કરી રહેલા હાઈકોર્ટના એક જજ વિરુદ્ધ ટ્વીટ કરી હતી. આ અગાઉ ચેતનની પત્ની મેઘાએ આરોપ  લગાવ્યો હતો કે કેટલાક પોલીસ અધિકારીઓ દ્વારા લઈ જવાયા બાદથી તેનો પતિ 'ગાયબ' થઈ ગયો છે. સોશિયલ મીડિયા પ્લેટફોર્મ પર પોતાને લાઈવ કરતા મેઘાએ આરોપ લગાવ્યો કે કોઈ પણ પૂર્વ સૂચના કે કાનૂની નોટિસ વગર ચેતનને તેમના ઘરેથી લઈ જવાયો અને હવે તેનો કોઈ અત્તો પત્તો નથી. 

મેઘાએ આરોપ લગાવ્યો કે 'ચેતનનો ફોન સ્વીચ ઓફ છે. તેના ગનમેનનો ફોન પણ સ્વિચ ઓફ છે. મે શેષાદ્રિપુરમ પોલીસ મથકમાં તપાસ કરી તો તેમણે કહ્યું કે ચેતન તેમની અટકાયતમાં નથી અને તેને પૂછપરછ માટે ક્યાંક બીજે લઈ જવાયો છે. આ એક પ્રકારનું અપહરણ છે.' 

(પીટીઆઈના ઈનપુટ સાથે)

દેશના વધુ સમાચારો વાંચવા માટે કરો ક્લિક...

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube