જ્યોતિરાદિત્ય સિંધિયા, તેમના માં અને બહેન પર 10 હજારનો દંડ, સરકારી જમીન હડપવાનો આરોપ

ગ્વાલિયર : મધ્યપ્રદેશ હાઇકોર્ટની ગ્વાલિયર પીઠે કોંગ્રેસ મહાસચિવ અને પૂર્વ કેન્દ્રીય મંત્રી જ્યોતિરાદિત્ય સિંધિયા, તેમની માં માધવી રાજે સિંધિયા, બહેન ચિત્રાંગદા રાજે અને કમલારાજા ચેરિટેબલ ટ્રસ્ટ પર બુધવારે 10 હજાર રૂપિયાનો દંડ ફટકારવામાં આવ્યો છે. આ અર્થદંડ ગ્વાલિયર ખાતેનાં બંધન વાટિકા પર બુધવારે કથિત રીતે સરકારી જમીન હડપવાનાં મુદ્દે ચેતવણી ઉચ્ચાર્યા બાદ પણ કોર્ટમાં તેમના દ્વારા જવાબ દાખલ નહી કરવાનાં કારણે લગાવવામાં આવ્યો છે. આ સરકારી જમીનને સિંધિયા પરિવાર ટ્રસ્ટે એક બિલ્ડરને વેચી દીધી હતી અને ત્યાર બાદ બિલ્ડર પાણી ભરાતુ હોય તેવી આ જગ્યા પર સાત માળની ઇમારત બનાવી દીધી હતી.