)
નવી દિલ્હી: દેશમાં કોરોના વાયરસના નવા કેસમાં એકવાર ફરીથી વધારો જોવા મળી રહ્યો છે. ગુરુવારે પણ કોરોનાના નવા કેસ 3 લાખની આસપાસ જોવા મળ્યા. છેલ્લા 24 કલાકમાં કોરોનાના નવા 2.86 લાખથી વધુ નવા કેસ નોંધાયા. જો કે ગઈ કાલની સરખામણીમાં આ વધારો મામૂલી જોવા મળ્યો. બુધવારે કોરોનાના નવા 2,85,914 નવા કેસ નોંધાયા હતા.
નવા 2.86 લાખથી વધુ નવા કેસ
કેન્દ્રીય આરોગ્ય મંત્રાલયે આજે જાહેર કરેલા આંકડા મુજબ છેલ્લા 24 કલાકમાં કોરોનાના નવા 2,86,384 કેસ નોંધાયા છે. દેશમાં સંક્રમણના કુલ કેસની સંખ્યા 4 કરોડને પાર કરી ગઈ છે. એક દિવસમાં 573 દર્દીઓના મોત થયા છે. જ્યારે અત્યાર સુધીમાં કુલ 4,91,700 લોકો કોરોનાના કારણે જીવ ગુમાવ્યા ચૂક્યા છે. ભારતમાં હાલ 22,02,472 દર્દીઓ સારવાર હેઠળ છે. જે કુલ કેસના 5.46% છે.
India reports 2,86,384 new #COVID19 cases, 573 deaths and 3,06,357 recoveries in the last 24 hours
Active case: 22,02,472 (5.46%)
Daily positivity rate: 19.59%Total Vaccination : 1,63,84,39,207 pic.twitter.com/NKqlGIVaD6
— ANI (@ANI) January 27, 2022
ડેઈલી પોઝિટિવિટી રેટ 19.59% થયો
દેશમાં છેલ્લા 24 કલાક દરમિયાન 3,06,357 દર્દીઓ સાજા પણ થયા છે. અત્યાર સુધીમાં 3,76,77,328 દર્દીઓ રિકવર થવામાં સફળ થયા છે. હાલ દેશમાં કોરોનાથી રિકવરી રેટ 93.33 થયો છે. ડેઈલી પોઝિટિવિટી રેટ એટલે કે દૈનિક સંક્રમણ દર 19.59% થયો છે.
ટેસ્ટિંગની વાત કરીએ તો અત્યાર સુધીમાં 72.21 કરોડ કોરોના ટેસ્ટ થયા છે. જેમાં છેલ્લા 24 કલાકમાં થયેલા 14,62,261 ટેસ્ટ પણ સામેલ છે.
દેશના વધુ સમાચારો વાંચવા માટે કરો ક્લિક...
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
