પીડિતાની આપવિતિ: પહેલાં ફ્રેન્ડશિપ અને પછી લગ્નની લાલચ આપી ગુજાર્યો બળાત્કાર, બળજબરીપૂર્વક ખવડાવ્યું ગૌ માંસ

રેપ પીડિતા આ છોકરીનો આરોપ છે કે તેની સાથે રેપ, ગેંગ રેપ અને તેને બળજબરીપૂર્વક માંસ ખવડાવવામાં આવ્યું. કલમા વાંચીને ધર્મ પરિવર્તન કરાવવાનો પ્રયત્ન કરવામાં આવ્યો. છોકરીની ફરિયાદ બાદ ગુરૂગ્રામ પોલીસે 13 મેના રોજ આઇપીસી કલમ 376D, 328, 323, 506 IT એક્ટ 66E અંતગર્ત ઝીરો એફઆઇઆર નોંધી દિલ્હીના પહાડગંજ પોલીસ સ્ટેશનમાં કેસ ટ્રાંસફર કર્યો છે. પરંતુ અત્યારે દિલ્હી પોલીસે ફોરમલી આ એફઆઇઆર પર તપાસ શરૂ કરી છે. 

પીડિતાએ આપવિતિ જણાવતાં કહ્યું કે આરોપી સૈફે તેની મુલાકાત ગુરૂગ્રામમાં ઇફ્કો ચોક મેટ્રો સ્ટેશન બહાર થઇ હતી. છોકરી દરરોજની માફક દિલ્હીથી ગુરૂગ્રામ નોકરી કરવા જતી હતી. સૈફ પણ તે જ બસ સ્ટેન્ડ પર ટાઇમિંગ કાઉન્ટર પર કામ કરતો હતો. એટલા માટે તે પીડીત પર નજર રાખી રહ્યો હતો. એક દિવસ તે પીડિતાને રોકીને કહ્યું કે કોવિડમં તેના મિત્રની નોકરી જતી રહી છે, તુ તારી ઓફિસમાં તેને નોકરી અપાવી દે. ત્યારબા બંનેમાં નંબર એક્સચેંજ થયા અને પછી આરોપી સૈફે છોકરીને મેસેજ મોકલવાનું શરૂ કરી દીધું. 

એક દિવસ સૈફે છોકરીને લગ્ન વાત કરી અને જણાવ્યું કે તે તેને પસંદ કરે છે, હવે લગ્ન કરવા માંગે છે. છોકરીના અનુસાર તેણે ના પાડી કે તે હિંદુ છે અને કોઇ બીજા ધર્મમાં તેના લગ્ન થઇ ન શકે. પરંતુ સૈફ છોકરીની પાછળ પડ્યો રહ્યો. એક દિવસ છોકરીને નવી સ્ટેશન બોલાવી કે તે પોતાના ઘરે બિહાર પાછો જઇ રહ્યો છે, બસ એકવાર મળવા માંગે છે. છોકરી પણ મળવા પહોંચી અને પચેહે સૈફે તેને બિરયાની ખવડાવી. ત્યારબાદ છોકરીની તબિયત થોડી ખરાબ થવા લાગી, કદાચ બિરયાનીમાં કંઇ ભેળવ્યું હતું. 

છોકરીને ત્યારબાદ પહાડગંજની એક હોટલમાં લઇ ગયો. ત્યાં છોકરી સાથે રેપ કરી તેનો પ્રાઇવેટ વીડિયો બનાવી લીધો. ત્યારબાદ આરોપી વીડિયો વાયરલ કરવાની ધમકી આપીને છોકરીને બિહાર લઇ ગયો. છોકરીના અનુસાર બિહારમાં તેના પિતા અને સાથીઓએ પણ બળાત્કાર ગુજાર્યો. પછી તેને ગુરૂગ્રામ લઇને આવ્યો, ત્યાં પણ છોકરી સાથે બળાત્કાર થયો. પછી છોકરીને તેના મિત્રોના ઘરે લઇ જઇ કલમા વંચાવવામાં આવ્યા. એટલું જ નહી ત્યારબાદ સૈફ તેને પોતાની ફઇના ઘરે લઇ ગયો, જ્યાં તેને બળજબરીપૂર્વક ગૌમાંસ ખવડાવ્યું. 

પીડિત છોકરી 14 મેથી સતત દિલ્હીના પહાડગંજ પોલીસ સ્ટેશનના ધક્કા ખાઇ રહી છે. અમે તમને જણાવી દઇએ કે રેપની ઘટના સૌથી પહેલાં પહાડગંજની હોટલમાં થઇ, એટલા માટે ગુરૂગ્રામ પોલીસે ઝીરો એફઆઇઆર નોંધી કેસ દિલ્હી ટ્રાંસફર કરી દીધો છે. પીડીત છોકરીએ દિલ્હી મહિલા આયોગમાં પણ મેલ કરી પોતાની ફરિયાદ નોંધાવી છે. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube