કાશ્મીરથી તજાકિસ્તાન સુધીની ધરા ધ્રુજી, વહેલી સવારે 5 ની તીવ્રતાનો ભૂંકપ આવ્યો

જમ્મુ કાશ્મીરમાં વહેલી સવારે 5.35 કલાકે ભૂકંપના આંચકા અનુભવાયા હતા. જેથી ડરના માર્યે લોકો ઘરની બહાર દોડી આવ્યા હતા. અત્યાર સુધી આ ભૂકંપના આંચકામાં કોઈ જાનમાલની નુકસાની સામે આવી નથી. ભૂકંપનુ કેન્દ્ર તજાકિસ્તાન હોવાનુ માપવામાં આવ્યુ છે, જોકે, તજાકિસ્તાનના પેટાળમાં 170 કિમી અંદર ભૂકંપની ગતિવિધિઓ મશીન પર જોવા મળી છે. 

આ પણ વાંચો : દિલ્હીમાં કોરોનાના 1354 નવા કેસ નોંધાયા, સંક્રમણ દર 8 ટકા નજીક પહોંચ્યો

જમ્મુ ગત મહિને પણ આવ્યો હતો ભૂકંપ
ગત મહિનાની 18 તારીખે પણ જમ્મુ કાશ્મીરમાં ભૂકંપના આંચકા અનુભવાયા હતા. તે સમયે રિક્ટર સ્કેલ પર ભૂકંપની તીવ્રતા 3.4 માપવામાં આવી હતી. ત્યારે સતત બીજા મહિના જમ્મુ-કાશ્મીરમાં ભૂકંપના આંચકા અનુભવાતા લોકોમાં ડર વ્યાપી ગયો છે.