પેટ્રોલ-ડીઝલના ભાવ વધારા પર બોલી કોંગ્રેસ, ‘મોદી સરકારની ઉંધી ગણતરી શરૂ’

નવી દિલ્હી: કોંગ્રેસે પેટ્રોલ-ડીઝલના ભાવમાં વધારો અને ભારતીય સીમાની અંદર ચીન સૌનિકોના કથિત અતિક્રમણને લઇને મંગળવારે પ્રધાનમંત્રી નરેન્દ્ર મોદી પર નિશાન સાધ્યું હતું અને દાવો કર્યો હતો કે હવે આ સરકારની ઉંધી ગણતરી શરૂ થઇ ગઇ છે. પાર્ટીના મુખ્ય પ્રવક્તા રણદીપ સુરજેવાલાએ ટ્વીટ કરી કહ્યું હતું કે, પેટ્રોલ, ડીઝલ અને રાંધણ ગેસનો દરરોજ વધતા ભાવથી જનતા ત્રાસી ગઇ છે. મોંઘવારી ચરમ સીમા પર પહોંચી ગઇ છે. બચત ઘટી રહી છે. સામાન્ય જનતા હેરાન-પરેશાન છે, દરેક તબક્કામાં નુકસાન છે. તેમણે આરોપ લગાવ્યો હતો કે, ‘‘સારા દિવસના સપના દેખાડી, મોદીજીએ જનતાને ઠગી... 7 મહીનાની વાત છે. ઉંધી ગણતરી શરૂ થઇ ગઇ છે.’’