CORONA બેકાબૂ : આ રાજ્યોમાં માસ્ક હવે જરૂરી, સરકારે જારી કરી એડવાઈઝરી

વડા પ્રધાન નરેન્દ્ર મોદીએ તાજેતરમાં લોકોને કોવિડ માર્ગદર્શિકાનું પાલન કરવા વિનંતી કરી છે. ઘણા રાજ્યો અને કેન્દ્રશાસિત પ્રદેશોએ માસ્ક પહેરવાનું ફરજિયાત બનાવ્યું છે. જ્યારે અન્ય લોકોએ વાયરસના ફેલાવાને રોકવા માટે એડવાઈઝરી જારી કરી છે.

ગયા અઠવાડિયે કેન્દ્રીય આરોગ્ય પ્રધાન મનસુખ માંડવિયાએ તમામ રાજ્યો અને કેન્દ્રશાસિત પ્રદેશોના આરોગ્ય પ્રધાનો સાથે સમીક્ષા બેઠકની અધ્યક્ષતા કરી હતી અને તેમને આ રોગની સારવાર માટે સાવચેત રહેવા અને તૈયાર રહેવા વિનંતી કરી હતી. તેમણે રાજ્યના આરોગ્ય પ્રધાનોને જિલ્લા વહીવટીતંત્ર અને આરોગ્ય અધિકારીઓ સાથે આરોગ્યની તૈયારીઓનું મૂલ્યાંકન કરવા અને 10 અને 11 એપ્રિલના રોજ હોસ્પિટલના તમામ ઈન્ફ્રાસ્ટ્રક્ચરની મોક ડ્રીલ કરવા પ્રોત્સાહિત કર્યા હતા.

આ પણ વાંચો:
શું હવે ખરેખર કમોસમી વરસાદે વિદાય લીધી? જાણી લો આગામી 10 દિવસનું અપડેટ
રાશિફળ 11 એપ્રિલ: આ રાશિઓનું ભવિષ્ય ચમકશે, મહત્ત્વપૂર્ણ ડીલ થવાની શક્યતા
ગ્રહોના રાજા સૂર્ય 14 એપ્રિલના કરી રહ્યા છે ગોચર, આ 5 રાશિઓના ખૂલી જશે સુતેલું ભાગ્ય

આ રાજ્યોમાં એડવાઈઝરી જારી કરવામાં આવી છે

દિલ્હી: રાષ્ટ્રીય રાજધાનીમાં વધતા કોવિડ પોઝિટીવીટીના દર વચ્ચે દિલ્હીના આરોગ્ય પ્રધાન સૌરભ ભારદ્વાજે સોમવારે લોકોને સલાહ આપી કે જો તેઓમાં ફ્લૂ જેવા લક્ષણો હોય તો જાહેર સ્થળોએ બહાર ન નીકળવું. તેમણે કહ્યું કે આગામી દિવસોમાં રાજ્યમાં કોરોનાના કેસ વધી શકે છે.

હરિયાણા: રાજ્ય સરકારે નવી કોવિડ -19 માર્ગદર્શિકામાં રાજ્યભરમાં 100 થી વધુ લોકોના મેળાવડામાં ફેસ માસ્ક પહેરવાનું ફરજિયાત બનાવ્યું છે. આરોગ્ય કર્મચારીઓને પણ માસ્ક પહેરવાનું કહેવામાં આવ્યું છે. રાજ્યભરની હોસ્પિટલોમાં ખાંસી અને શરદી સાથે આવતા દર્દીઓ માટે કોવિડ ટેસ્ટ ફરજિયાત કરવામાં આવ્યો છે.

મુંબઈ: બૃહન્મુંબઈ મ્યુનિસિપલ કોર્પોરેશન (BMC) એ સ્વયં સંચાલિત તમામ હોસ્પિટલોમાં તમામ દર્દીઓ, તેમના મુલાકાતીઓ અને સ્ટાફ માટે માસ્ક ફરજિયાત બનાવ્યા છે. બીએમસીએ 60 વર્ષથી વધુ ઉંમરના નાગરિકોને સાવચેતીના પગલા તરીકે ભીડવાળી જગ્યાએ ફેસ માસ્ક પહેરવાની પણ અપીલ કરી છે.

રાજસ્થાન: રાજ્યના તબીબી શિક્ષણ સચિવ ટી રવિકાંત અને આરોગ્ય સચિવ ડૉ. પૃથ્વીએ કોરોનાવાયરસના લક્ષણો સાથે હોસ્પિટલોમાં આવતા દર્દીઓની ફરજિયાત પરીક્ષણ માટે સૂચનાઓ આપી છે.

કેરળ: રાજ્યના આરોગ્ય મંત્રી વીણા જ્યોર્જે ગર્ભવતી મહિલાઓ, વૃદ્ધો અને અન્ય રોગોથી પીડિત લોકો માટે માસ્ક ફરજિયાત બનાવવાની જાહેરાત કરી છે.

પુડુચેરી: કેન્દ્રશાસિત પ્રદેશ પુડુચેરીમાં જાહેર સ્થળો, બીચ રોડ, પાર્ક અને થિયેટરમાં માસ્ક પહેરવાનું ફરજિયાત બનાવામાં આવ્યું છે. જિલ્લા કલેક્ટર ઇ વલ્લવને જણાવ્યું હતું કે હોસ્પિટલ, હોટલ, બાર, રેસ્ટોરન્ટ, દારૂની દુકાનો, હોટલ, થિયેટરો અને સરકારી કચેરીઓમાં કામ કરતા કર્મચારીઓએ ફરજિયાતપણે માસ્ક પહેરવું જોઈએ.

આ પણ વાંચો:
Budh Gochar:આ રાશિના લોકો માટે વરદાન જેવા છે હવે પછીના દિવસો, થશે ધનલાભ અને મળશે સુખ
શું તમને પણ થાય છે ખુબ પરસેવો? આ રીતે મેળવો પરસેવા અને એની ગંધની રાહત
નિકોલસ પૂરનની તોફાની ઈનિંગ RCB ને ભારે પડી, રોમાંચક મેચમાં લખનઉની ટીમ જીતી

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube