જ્યારે CJI દીપક મિશ્રાની સામે એક વકીલ ‘तुम जियो हजारों साल...’ ગાવા લાગ્યો

સુપ્રીમ કોર્ટના ચીફ જસ્ટિસ દીપક મિશ્રાએ સોમવારે અંતિમ વખત કોર્ટમાં સુનવણી કરી હતી. તેમની સાથે ન્યાયમૂર્તિ રંજન ગોગોઇ પણ હતા. રંજન ગોગોઇ ન્યાયમૂર્તિ મિશ્રા બાદ આ પદને સંભાળશે. જ્યારે એક વકીલે એક ગીત દ્વારા તેમના લાંબા જીવન કાળની કામના કરી તો મુખ્ય ન્યાયાધીશ (CJI)એ તેમને વચ્ચે અટકાવતા કહ્યું કે, હાલ તેઓ હૃદયથી બોલી રહ્યા છે જો કે સાંજ સુધીમાં તેઓ મગજથી જવાબ આપશે. જસ્ટિસ મિશ્રા 2 ઓક્ટોબરે રિટાયર થઇ રહ્યા છે.