નવી દિલ્હીઃ દેશના ચીફ ઓફ ડિફેન્સ સ્ટાફ જનરલ બિપિન રાવત (Chief of Defence Staff General Bipin Rawat) એ કહ્યુ કે, હવે સેનાના જવાન કોરોના મહામારી સામે લડાઈ લડશે. તેમણે કહ્યું કે, હવે સમય સહસ્ત્ર દળો માટે ઉભા થવાનો છે. સેના સમયબદ્ધ રીતે કોવિડ મહામારી દરમિયાન સિવિલ પ્રશાસન દ્વારા બનાવવામાં આવી રહેલી વ્યવસ્થાઓની દિશામાં મળીને કામ કરશે.
પીએમ મોદીએ કરી હતી સમીક્ષા
દેશમાં કોરોના મહામારીની બીજી લહેર (CoronaSecondWave) સામે જંગમાં હવે સશસ્ત્ર દળોના નિવૃત થઈ ચુકેલા ડોક્ટરો અને મેડિકલ સ્ટાફ મોર્ચો સંભાળશે. સીડીએસ જનરલ બિપિન રાવતે સોમવારે આ જાણકારી આપી છે. જનરલ રાવતે પ્રધાનમંત્રી નરેન્દ્ર મોદી સાથે મુલાકાત કરી કોરોના મહામારીનો સામનો કરવા માટે સશસ્ત્ર દળો દ્વારા કરવામાં આવી રહેલી તૈયારીઓ અને ઓપરેશનની સમીક્ષા કરી હતી. સીડીએસે પીએમને જણાવ્યુ કે, હોસ્પિટલોમાં ડોક્ટરોની મદદ માટે મોટી સંખ્યામાં નર્સિંગ સ્ટાફ તૈનાત કરવામાં આવી રહ્યો છે.
This is the time for the Armed Forces to rise to the occasion and support the civil administration in creating COVID mitigation facilities in time-bound manner. Timely support at this juncture is important: Chief of Defence Staff General Bipin Rawat
(file pic) pic.twitter.com/b358kJiJhe— ANI (@ANI) April 27, 2021
ઘરની પાસે કોવિડ સેન્ટરમાં તૈનાતી
જનરલ રાવતે પીએમ મોદીને કહ્યુ કે આર્મર્ડ ફોર્સમાંથી છેલ્લા બે વર્ષમાં નિવૃત થઈ ચુકેલા કે સમય પહેલા નિવૃતિ લઈ ચુકેલા મેડિકલ પર્સનલને તેના ઘરની પાસે કોવિડ સેન્ટરમાં કામ કરવા માટે બોલાવવામાં આવી રહ્યા છે. આ સિવાય નિવૃત થઈ ચુકેલા અન્ય મેડિકસ ઓફિસરો પણ ઇમરજન્સી હેલ્પલાઇન દ્વારા મેડિકલ કન્સલ્ટેશન આપવા માટે તૈયાર છે. પીએમ મોદીને તે પણ જણાવવામાં આવ્યુ કે, કમાન્ડહેડક્વાર્ટર્સ, કોર્પ્સ હેડક્વાટર્સ, ડિવિઝન હેડક્વાટર્સ અને આ પ્રકારે અન્ય હેડક્વાર્ટર્સની હોસ્પિટલોમાં તૈનાત મેડિકલ સ્ટાફને તૈનાતી પર રાખવામાં આવ્યો છે.
મિલિટ્રી મેડિકલ ઇન્ફ્રાસ્ટ્રક્ચરનો પ્રયોગ
સીડીએસે કહ્યુ કે, જ્યાં પણ સિવિલિયન્સ માટે સેનાનું મિલિટ્રી મેડિકલ ઇન્ફ્રાસ્ટ્રક્ચર ઉપલબ્ધ છે, ત્યાં મોટી સંખ્યામાં મેડિકલ ફેસિલિટી તૈયાર કરવામાં આવી રહી છે. આ તકે પીએમ મોદીએ ભારત અને વિદેશથી ઈન્ડિયન એરફોર્સ દ્વારા ઓક્સિજન અને અન્ય જરૂરી સામાન લાવવાની પણ સમીક્ષા કરી હતી.
દેશના અન્ય સમાચારો વાંચવા અહીં ક્લિક કરો
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે