પ્રચંડ ગરમીના કારણે બિહારના ગયામાં ધારા 144 લાગુ, જાહેર કાર્યક્રમ પર પ્રતિબંધ

જિલ્લા કલેક્ટરે આદેશ બહાર પાડ્યો છે કે, સવારે 11.00 કલાકથી બપોરે 4.00 કલાક સુધી લોકોએ ઘરમાં જ રહેવું, સાથે જ તમામ સરકારી અને બિનસરકારી નિર્માણકાર્ય પણ સવારે 11થી બપોરે 4 વાગ્યા સુધી બંધ રાખવાની સુચના આપવામાં આવી છે. કલેક્ટરના આદેશ અનુસાર, સવારે 11.00 થી 4.00 કલાક દરમિયાન ગયામાં આકસ્મિક સેવાની દુકાનો સિવાયની તમામ દુકાનો બંધ રાખવાની રહેશે. આ ઉપરાંત સવારે 11થી 4 કલાક દરમિયાન કોઈ પણ પ્રકારનો જાહેર કાર્યક્રમ પણ રાખી શકાશે નહીં. 

Gaya: District Magistrate issues an order in view of scorching heat under section 144 (prohibiting unlawful assembly); bans governmental/non-governmental construction works, MGNREGA labour work, and any cultural programme or gathering in open spaces, between 11 am to 4 pm. #Bihar pic.twitter.com/gLnR1Y0XeN

— ANI (@ANI) June 17, 2019

ઉલ્લેખનીય છે કે, રવિવારે માત્ર બિહારમાં લૂ લાગવાથી 30 લોકોનાં મોત થયા હતા. સદર હોસ્પિટલમાં આખો દિવસ લૂથી પીડિત દર્દીઓ આવતા રહ્યા હતા. લોકોનો આરોપ છે કે, તંત્ર દ્વારા અનેક મૃતકોના નામ નોંધવામાં આવ્યા નથી. જેમનું મૃત્યુ હોસ્પિટલ લાવતા દરમિયાન માર્ગમાં થયું છે તેમનું નામ રજિસ્ટરમાં લખવામાં આવ્યું નથી. 

રાજ્યમાં પડી રહેલી ભીષણ ગરમીને ધ્યાનમાં રાખીને હાલ તાત્કાલિક ધોરણે તમામ શાળાઓ બંધ કરી દેવાઈ છે. રાજ્યમાં અત્યાર સુધી 122 લોકોનાં મોત થયા છે. બિહારના ગયા ઉપરાંત કૈમુર, ઔરંગાબાદ અને નાલંદામાં પણ ગરમીનો કહેર ચાલુ છે. માત્ર ઔરંગાબાદમાં અત્યાર સુધી 60 લોકોનાં મોત થઈ ચૂક્યા છે.

જૂઓ LIVE TV...

ભારતના વધુ સમાચાર માટે અહીં કરો ક્લિક...