વિધાનસભા ચૂંટણી 2018 : મધ્ય પ્રદેશ, તેલંગાણા અને મિઝારમમાં ભાજપના ઉમેદવાર જાહેર

5 રાજ્યોમાં વિધાનસભા ચૂંટણીને પગલે ભાજપ, કોંગ્રેસ સહિત રાજકીય પક્ષો વચ્ચે રાજકીય ઘમાસાણ જેવી સ્થિતિ છે. ઉમેદવાર પસંદગીને લઇને હજુ ખેંચમતાણ ચાલી રહી છે આ સંજોગોમાં ભારતીય જનતા પાર્ટીએ મધ્યપ્રદેશ, મિઝોરમ અને તેલંગાણા માટે ઉમેદવારો જાહેર કર્યા છે. ભાજપ દ્વારા સત્તાવાર રીતે ઉમેદવારોની યાદી જાહેર કરવામાં આવી છે. ચૂંટણી જીતવા ભાજપે એડીથી ચોટીનું જોર લગાવ્યું છે. શુક્રવારે ભાજપ તરફથી સત્તાવાર રીતે મધ્યપ્રદેશની 117, મિઝરમની 24, તેલંગાણાની 28 બેઠકો માટે ઉમેદવારોના નામની જાહેરાત કરવામાં આવી છે.