Assembly Election: 5 રાજ્યોમાં ચૂંટણીની તૈયારીઓ પૂર્ણ, આજે જાહેર થશે મતદાનની તારીખ

ચૂંટણી પંચે આ 5 રાજ્યોમાં ચૂંટણી માટે બ્લુ પ્રિન્ટ તૈયાર કરી લીધી છે. સૂત્રોના જણાવ્યા અનુસાર છત્તીસગઢમાં 2 તબક્કામાં અને એમપી, મિઝોરમ, રાજસ્થાન અને તેલંગાણામાં 1-1 તબક્કામાં મતદાન થઈ શકે છે. સૂત્રોના જણાવ્યા અનુસાર નવેમ્બર અને ડિસેમ્બરમાં 5 રાજ્યોમાં અલગ-અલગ તબક્કામાં મતદાન થશે. પાંચ રાજ્યોમાં 1 થી 2 તબક્કામાં મતદાન થઈ શકે છે.

વર્ષ 2024ની લોકસભાની ચૂંટણી પહેલાં દેશના પાંચ રાજ્યોમાં યોજાવા જઈ રહી છે વિધાનસભાની ચૂંટણીઓ. રાજકીય પંડિતોની માનીએ તો આ પાંચ રાજ્યોમાં યોજાનારી વિધાનસભાની ચૂંટણીઓ લોકસભાની ચૂંટણી પહેલાં દરેક રાજકીય પક્ષોની અગ્નિ પરિક્ષા સાબિત થશે. કોણ કેટલાં પાણીમાં છે તેનો અંદાજો આ પાંચ રાજ્યોની વિધાનસભા ચૂંટણીઓના પરિણામો બતાવી દેશે.