દિલ્હીનું પ્રદૂષણ નાથવામાં આપ સરકાર નિષ્ફળ: દર મહિને ચુકવવા પડશે 10 કરોડ

નવી દિલ્હી : રાષ્ટ્રીય હરિત ન્યાયાધિકરણે સોમવારે દિલ્હી સરકારને કહ્યું કે, મહાનગરમાં પ્રદૂષણની સમસ્યા પર પ્રતિબંધ લગાવવામાં નિષ્ફળ નિવડવાને કારણે દંડ પેટે CPCBને 25 કરોડ રૂપિયા જમા કરાવે. એનજીટી અધ્યક્ષ ન્યાયમૂર્તિ આદર્શ કુમાર ગોયલની અધ્યક્ષતાવાળી પીઠે આપ સરકારને કહ્યું કે, ટોપ પ્રદૂષણ નિયંત્રણ એકમ પાસે કાર્ય નિષ્પાંદ તરીકે 25 કરોડ રૂપિયા જમા કરાવવામાં આવે જેથી તે સુનિશ્ચિત થાય કે કાર્યમાં કોઇ ક્ષતી ન રહી જાય. 

દર મહિને ભરવો પડશે 10 કરોડ રૂપિયાનો દંડ
રાજ્ય સરકારની ઝાટકણી કાઢતા ટ્રિબ્યૂનલે જણાવ્યું કે, સરકાર પોતાનું કામ કરવામાં નિષ્ફળ નિવડી છે. જો આગામી સમયમાં પણ તે નિષ્ફળ રહેશે તો દંડ ઉપરાંત દર મહિને 10 કરોડ રૂપિયાનો દંડ પણ ભરવો પડશે. એનજીટી દ્વારા સ્પષ્ટ શબ્દોમાં જણાવવામાં આવ્યું છે કે દિલ્હીને શક્ય તેટલી ઝડપથી પ્રદૂષણ રહીત અને શ્વાસ લેવાને લાયક બનાવવાનું છે. જે માટે સરકારે સીરિયસ પ્રયાસો કરવાની જરૂર છે. 
અધિકારીઓની રહેમ નજર હેઠળ થઇ રહ્યું છે કાયદાનું ઉલ્લંઘન

એનજીટીએ જણાવ્યું કે, સ્પષ્ટ નિર્દેશો છતા ન્યાયાધિકરણનાં આદેશનાં પાલન માટે કોઇ જ પગલું નથી ઉઠાવવામાં આવ્યું અને કાયદાના ઉલ્લંઘન હેઠળ પ્રદૂષણ સતત ચાલુ જ રહ્યું છે અને અધિકારીઓનાં નાક નીચે અથવા તો તેમની નજર હેઠળ આ બધુ જ થઇ રહ્યું છે. જેમણે બહાના બનાવવા અને અસહાય દેખાડવા ઉપરાંત કોઇ જ નક્કર પગલાઓ ઉઠાવ્યા નથી. એનજીટીએ કહ્યું કે સાડા ચાર વર્ષો પછી પણ પીડિત પક્ષોની ફરિયાદ છે કે પ્લાસ્ટીકની અનિયમિત નિકાસનાં કારણે પ્રદૂષણ સતત વધી રહ્યું છે.