નવી દિલ્હીઃ આજકાલ હાર્ટ સાથે જોડાયેલી સમસ્યા લોકોમાં ઝડપથી વધી રહી છે. ઘણી વખત લોકો જ્યાં સુધી તેમની ધમનીઓ 70% સુધી બ્લોક ન થઈ જાય ત્યાં સુધી તેમના હૃદયની સ્થિતિ વિશે જાણતા નથી. તેનો મતલબ છે કે જ્યાં સુધી સ્થિતિ ગંભીર ન થઈ જાય ત્યાં સુધી લોકો લક્ષણોને નજરઅંદાજ કરી દે છે કે તેને હળવાશમાં લે છે. તેના શરૂઆતી લક્ષણોને જાણવા ખુબ જરૂરી છે, જેથી તમે યોગ્ય સમય પર સારવાર કરાવી શકો.
હાર્ટ બ્લોકેજના લક્ષણ
છાતીમાં દુખાવો અથવા ભારેપણું: જો પૂરતું લોહી હૃદય સુધી પહોંચતું નથી, તો છાતીમાં દુખાવો અથવા ભારેપણું અનુભવાય છે.
ડાબા હાથમાં દુખાવો: દુખાવો, નિષ્ક્રિયતા આવે છે અથવા ભારેપણું, ખાસ કરીને ડાબા હાથમાં, હાર્ટ બ્લોકેજની નિશાની હોઈ શકે છે.
શ્વાસની તકલીફ: ચાલતી વખતે, સીડી ચડતી વખતે અથવા હળવી કસરત કરતી વખતે શ્વાસ લેવામાં તકલીફ થવી.
સીડી ચડતી વખતે અથવા સહેજ શ્રમ કરતી વખતે ભારેપણું: સામાન્ય પ્રવૃત્તિઓ દરમિયાન પણ ભારેપણું અનુભવવું, જે હાર્ટ બ્લોકેજ સૂચવે છે.
થાક અને નબળાઈ: કોઈપણ ભારે કામ કર્યા વિના પણ ઝડપથી થાક અને નબળાઈ અનુભવવી.
આ પણ વાંચોઃ Lauki Juice Benefits: ખાલી પેટે દૂધીનો રસ પીવાથી મળે છે આ જાદુઈ ફાયદા, જાણો અહીં
હાર્ટના લક્ષમ ક્યારે દેખાય છે?
હાર્ટ બ્લોકેજના ગંભીર લક્ષમ ત્યારે સામે આવે છે જ્યારે હાર્ટની ધમનિઓમાં 70 ટકા કે તેનાતી વધુ વિઘ્નો આવી જાય છે. આ સ્થિતિમાં શરીરમાં લોહી અને ઓક્સીજનનો પ્રવાહ સારી રીતે થઈ શકતો નથી, જેનાથી મુશ્કેલીઓ શરૂ થાય છે. જો તમને પણ સીડીઓ ચઢવા સમયે, ઝડપી ચાલવાથી કે દોડવા સમયે શ્વાસ ચઢવા લાગે છે અને અટકવું પડે છે તો તે હાર્ટ બ્લોકેજનો ગંભીર સંકેત હોઈ શકે છે. અટકવા પર લક્ષણ થોડા સમય માટે ઓછા થઈ શકે છે, પરંતુ તેનો મતલબ એવો નથી કે તમારી સમસ્યા સમાપ્ત થઈ ગઈ છે. આનો અર્થ એ છે કે તમારા હૃદયમાં પહેલેથી જ ઘણી બધી બ્લોકેજ છે. આવી સ્થિતિમાં, આ સમસ્યાને અવગણવી ખૂબ જ ખતરનાક બની શકે છે, કારણ કે તે હાર્ટ એટેક જેવી ગંભીર સ્થિતિનું કારણ બની શકે છે.
હાર્ટ બ્લોકેજની જાણકારી મેળવવા માટે એક સરળ ટેસ્ટ
જો તમને ઉપર જણાવવામાં આવેલા કોઈ લક્ષણનો અનુભવ થાય તો તત્કાલ ડોક્ટરનો સંપર્ક કરવો જોઈએ. હાર્ટ બ્લોકેજની જાણકારી મેળવવા માટે સૌથી સટીક અને વિશ્વસનીય ટેસ્ટ એન્જિયોગ્રાફી છે. આ એક વિશેષ પ્રકારનો X-ray ટેસ્ટ છે, જે ધમનિઓમાં બ્લોકેજની સ્થિતિને દેખાડે છે. એન્જિયોગ્રાફી દરમિયાન ડોક્ટર તમારા રક્ત પ્રવાહને જોવા માટે ધમનિઓમાં એક ખાસ પ્રકારની ડાઈ (રંગ) ઈંજેક્ટ કરે છે. આ ડાઈની મદદથી X-ray માં સ્પષ્ટ જોવા મળે છે કે ક્યાં-કયાં બ્લોકેજ છે અને કેટલું ગંભીર છે.
સમય પર સારવારની જરૂર
હાર્ટ બ્લોકેજની સમય પર સારવાર જરૂરી છે, કારણ કે તેને નજરઅંદાજ કરવામાં આવે તો તે હાર્ટ એટેક જેવી ગંભીર સ્થિતિ ઊભી કરી શકે છે. એન્જિયોગ્રાફીથી ખબર પડે છે કે બ્લોકેજ કેટલું મોટું છે અને તેને કઈ રીતે ઠીક કરી શકાય છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે