Drumstick Health Benefits: સરગવો પોષક તત્વોથી ભરપૂર હોય છે. સરગવાની સિંગમાં એટલા બધા પોષક તત્વો હોય છે કે તે શરીરની ઘણી બીમારીઓમાં દવા જેવું કામ કરે છે. ખાસ કરીને હાડકા અને સાંધા સંબંધિત સમસ્યા હોય તો સરગવાની સિંગ ખૂબ જ ફાયદો કરે છે. સરગવાની સિંગ ખાવાથી આર્થરાઇટિસ કિડની સ્ટોન જેવી તકલીફોમાં ખૂબ જ ફાયદો થાય છે. સરગવાની સિંગમાં એવા ચમત્કારી ગુણ હોય છે જેના કારણે તેનું નિયમિત સેવન કરવાની સલાહ આપવામાં આવે છે. જો તમે નિયમિત સરગવો ખાવ છો તો સ્કીન અને વાળને પણ ફાયદો થાય છે. તો ચાલો તમને આજે સરગવો ખાવાના પાંચ જબરદસ્ત ફાયદા વિશે જણાવીએ. તેના વિશે જાણીને તમે પણ સરગવો ખાવાની શરૂઆત કરી દેશો.
આ પણ વાંચો:
Diabetes ના દર્દી માટે ઝેર સમાન છે આ શાકભાજી, ખાતા હોય તો તુરંત કરો બંધ
આ લક્ષણો જણાય તો સમજી લેવું શરીરમાં છે પાણીની ઊણપ, તબિયત ખરાબ થાય તે પહેલા ચેતી જાઓ
આ સમયે કાકડી ખાવાથી બગડી શકે છે તબીયત, જાણો ક્યારે ખાવી હિતાવહ
આર્થરાઇટિસ - જો તમને આર્થરાઇટિસ કે હાડકા સંબંધિત બીમારી હોય તો આ તકલીફમાં સાંધામાં ખૂબ જ દુખાવો થાય છે આ બધી જ તકલીફો દૂર થઈ શકે છે જો તમે નિયમિત સરગવાની સિંગ નું સેવન કરો. સરગવાની સિંગમાં એન્ટી ઇન્ફીલેમેટ્રી ગુણ હોય છે જે આર્થરાઇટિસ ની તકલીફને વધવાથી રોકે છે.
ત્વચા અને વાળ - સરગવો ખાવાથી સ્કીન અને વાળને પણ લાભ થાય છે. સરગવામાં એવા પોષક તત્વો હોય છે જે સ્કીન અને વાળની ગુણવત્તાને સુધારે છે. સરગવાના બી થી સ્કીન સમસ્યા દૂર થાય છે. તેમાં એવા તત્વ હોય છે જે સ્ટ્રેસને પણ ઓછો કરે છે.
લીવર - લીવર આપણા શરીરનું ખૂબ જ મહત્વનું અંગ છે તેથી તે બરાબર રીતે કામ કરે તે ખૂબ જ જરૂરી છે. જો તમારે લીવરને સ્વસ્થ રાખવું હોય તો સરગવો ખાવાનું રાખો. તેમાં રહેલું ફેટી એસિડ લીવરની સમસ્યા દૂર કરે છે અને લીવર સંબંધિત સમસ્યાઓમાં બચાવ કરે છે.
કાર્ડિયોવેસ્ક્યુલર સિસ્ટમ - સરગવામાં પ્રચુર માત્રામાં એન્ટિઓક્સિડન્ટ અને એન્ટીમેટ્રી તત્વ હોય છે. જે કાર્ડિયોવેસ્ક્યુલર હેલ્થને સુધારે છે અને તેને સ્વસ્થ રહેવામાં મદદ કરે છે. સરગવાના ગુણ હૃદય સંબંધિત સમસ્યા થવાનું રિસ્ક ઓછું કરે છે.
પથરી - પથરીની સમસ્યામાં પણ સરગવો મદદરૂપ થાય છે. સરગવાના કેટલાક પારંપરિક નુસખા કિડની સ્ટોનની તકલીફથી મુક્તિ અપાવે છે. સરગવા પર થયેલી રિસર્ચમાં પણ જાણવા મળ્યું છે કે સરગવાના તત્વ શરીરમાં મિનરલ્સ બનવાથી રોકે છે જેના કારણે પથરી બનતી હોય છે.
(Disclaimer: અહીં આપેલી માહિતી ઘરગથ્થુ ઉપચાર અને સામાન્ય માહિતી પર આધારિત છે. ZEE24kalak તેની પુષ્ટિ કરતું નથી.)
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે