સાપુતારા ફરવા આવેલી નાશિકની મહિલા સેલ્ફી લેતા સમયે ખીણમાં પડી, ઝાડીમાં અટકી જતા જીવ બચ્યો

સેલ્ફી લેતા, ફોટો પાડતા સમયે અનેક લોકો ભાન ભૂલી જતા હોય છે અને મોટી મુસીફતને આમંત્રણ આપી દેતા હોય છે. ત્યારે ડાંગમાં સાપુતારા સનરાઇઝ પોઇન્ટ પર એક મહિલા પ્રવાસી ખીણમાં પડી હતી. કુદરતી સૌંદર્યના ફોટો લેતા સમયે પગ લપસી જતા મહિલા ખીણમાં ખાબકી હતી. આ મહિલા નાશિકની રહેવાસી હતી. જોકે, સદનસીબે તેનો જીવ બચ્યો હતો. મહિલા જે જગ્યાએ ખીણમાં નીચે પડી હતી, ત્યાં અધવચ્ચે ઝાડીઝાંખરા હતા. જ્યાં તે અટકી ગઈ હતી. જેને કારણે મહિલાનો જીવ બચ્યો હતો.