શોકિંગ લાઈવ મોત : બિલ્ડર મંદિરમાં બે હાથ જોડીને પ્રાર્થના કરતા હતા, ત્યારે જ આવ્યું મોત

• વલસાડના જાણીતા બિલ્ડર વડોદરાના સ્વામીનારાયણ મંદિરમાં દર્શન માટે આવ્યા હતા
• મંદિરમાં આવેલા બિલ્ડરનું હાર્ટ એટેકથી મોત, સીસીટીવીમાં કેદ થઈ આખી ઘટના 

રવિ અગ્રવાલ/વડોદરા :વડોદરાના સ્વામીનારાયણ મંદિરમાં દર્શન કરતી વખતે વલસાડના જાણીતા બિલ્ડરને હાર્ટ એટેક આવતા મોત નિપજ્યું હતું. મંદિર પરિસરમાં બનેલી આ ઘટનાનો શોકિંગ લાઇવ વીડિયો સામે આવ્યો છે.
 
વલસાડના જાણીતા બિલ્ડર વડોદરા મંદિરમાં દર્શન માટે આવ્યા હતા 
વડોદરાના સ્વામીનારાયણ મંદિરમાં બનેલી ઘટના અંગે મળેલી માહિતી પ્રમાણે, વલસાડના રહેવાસી અને જાણીતા બિલ્ડર જયંતિ ખાલપ એક સપ્તાહ પહેલાં વડોદરામાં કામ અર્થે આવ્યા હતા. ભગવાન સ્વામીનારાયણમાં અતૂટ શ્રદ્ધા ધરાવતા જયંતિભાઇ ખાલપ વડોદરાના જાણીતા સ્વામીનારાયણ મંદિરમાં દર્શન કરવા માટે ગયા હતા. મંદિરમાં પહોંચેલા જયંતિભાઇએ ભગવાનને શિશ ઝુંકાવી પ્રાર્થના કરી હતી. શિશ ઝૂંકાવીને ભગવાનને પ્રાર્થના કર્યા બાદ બે હાથ જોડી પ્રાર્થના કરી રહ્યા હતા તે જ સમયે હાર્ટ એટેક આવતા જમીન પર પટકાયા હતા અને ભગવાનના ચરણોમાં શ્રીજી શરણ થયા હતા.