વડોદરા : મીસા કાયદા સમયે જેલવાસ ભોગવી ચૂકવેલા RSS કાર્યકર્તાનો મૃતદેહ રેલવે ટ્રેક પરથી મળ્યો

વડોદરા શહેરના વાડી વિસ્તારમાં આવેલ રંગમહાલ ખાતે પોતાના પરિજનો સાથે રહેતા શંકર ગોડગસ્તે આરએસએસ સાથે સંકળાયેલા હતા. હાલ તો તેઓ આરએસએસમાં કોઈ હોદ્દો નથી ધરાવતા, પરંતુ આરએસએસ પર આવેલ પ્રતિબંધ સમયે મીસાના કાયદામાં તેમણે જેલની સજા પણ ભોગવી હતી. ગઈકાલે સાંજે તેમનો મૃતદેહ રેલ્વે ટ્રેક પરથી મળી આવ્યો હતો. ત્યારે આ હત્યા છે કે આત્મહત્યા તે અંગેના સવાલો ઉભા થયા છે. રેલવે પોલીસે મૃતદેહનો કબજો મેળવી પીએમ કરી લાશ પરિવારને સોપવામા આવી હતી. જોકે, ટ્રેનની ટક્કર વાગવાથી મોત થયું હોવાનુ પોલિસનું પ્રાથમિક અનુમાન છે.