વડોદરાના શિક્ષકે વિદ્યાર્થિનીને ક્લાસમાં દારૂ પીવડાવી કર્યા અપડલાં, મોંઢામાંથી ફીણ નિકળતાં માતાએ...

પ્રાપ્ત માહિતી અનુસાર સંસ્કારી નગરી તરીકે જાણિતા વડોદરા શહેરમાં અવાર નવાર વિચિત્ર કિસ્સાઓ અને ઘટનાઓ સામે આવે છે. ત્યારે તાજેતરમાં શહેરના નિઝામપુરામાં ટ્યુશન ક્લાસ સંચાલકે વિદ્યાર્થિનીને વોડકા દારૂ પીવડાવ્યો હોવાની ઘટના પ્રકાશમાં આવી છે. આ ઘટનાએ વડોદરાને જ નહી પણ સમગ્ર ગુજરાતના શિક્ષણ જગત અને ગુરુ શિષ્યના સંબંધને લાંછન લગાડ્યું છે. બનાવની વાત કરીએ તો ટ્યુશન ક્લાસ સંચાલકે ધોરણ 10 ની વિદ્યાર્થીને ક્લાસ પુરો થયા બાદ એકસ્ટ્રા ક્લાસના બહાને બેસાડી રાખી છે. 

ગાંભોઈની ચકચારી ઘટનામાં બાળકીના માતા-પિતાની ધરપકડ, અમાનવીય કૃત્યનો થશે પર્દાફાશ

ત્યારબાદ આ આરોપી શિક્ષક પ્રશાંત ખોસલાએ વિદ્યાર્થીનીને ક્લાસમાં વોડકા દારૂની બોટલ ખોલીને પીવડાવી હતી અને તેની સાથે શારીરિક અપડલા કર્યા હતા. આરોપી પ્રશાંત અર્પણ કોમ્પલેક્ષમાં એજ્યુકેટ ફર્સ્ટ નામથી ટ્યુશન ક્લાસીસ ચલાવે છે. વિદ્યાર્થીનીને દારૂનો નશો થતાં પ્રશાંત તેને અર્ધબેભાન અવસ્થામાં ઘરે મુકી ગયો હતો. વિદ્યાર્થિની નશાની હાલતમાં ઘરે પહોંચ્યા બાદ આ વાતનો ખુલાસો થયો હતો. દારૂ પીવાથી વિદ્યાર્થિનીની તબિયત લથડી હતી અને વિદ્યાર્થિનીના મોઢામાંથી ફીણ નીકળતા કંઇક થયું હોવાની માતાને જાણ થઇ હતી. વિદ્યાર્થીની તેને માતા હોસ્પિટલમાં લઈ જતા સમગ્ર ઘટનાનો ભાંડો ફૂટ્યો હતો. વિદ્યાર્થિનીના માતાએ આરોપી પ્રશાંત સામે ફતેગંજ પોલીસ સ્ટેશનમાં નોધાવી ફરિયાદ નોંધાવી છે.  આ મામલે આરોપી શિક્ષકની અટકાત કરી લેવામાં આવી છે. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube