શિક્ષક પર હેવાનિયતનું ભૂત સવાર થયું, વિદ્યાર્થીનીનો વોશરૂમનો વીડિયો ઉતારી બ્લેકમેલ કરીને દુષ્કર્મ કર્યુ

ઝાલોદમાં ટ્યુશન સંચાલક ઉપર હેવાનિયતનું ભૂત સવાર થઈ ગયુ હતું. આ હેવાનિયતમાં તેણે ટયુશનમા આવતી વિદ્યાર્થીની ઉપર દુષ્કર્મ ગુજાર્યુ હતું. ક્લાસમાં આવતી વિદ્યાર્થીની ટયુશન ક્લાસીસના વોશરૂમમાં ગઈ હતી, ત્યારે શિક્ષકે વિદ્યાર્થીનીનો અશ્લીલ વીડિયો પોતાના મોબાઈલમાં ઉતારી લીધો હતો. બાદમાં તેણે આ વીડિયો વાયરલ કરવાની ધમકી આપી હતી. ગભરાઈ ગયેલી વિદ્યાર્થીનીએ કોઈને કંઈ કહ્યુ ન હતું. જેથી નરાધમ શિક્ષકે તેની સાથે દુષ્કર્મ આચર્યુ હતું. 

ટયુશન સંચાલક નૈનેશ ડામોર અશ્લીલ વીડિયો ઉતારી વાયરલ કરવાની ધમકી આપી વિદ્યાર્થીની ઉપર દુષ્કર્મ કરતો રહ્યો હતો. પોલીસે ટ્યુશન સંચાલક આરોપી નૈનેશ ડામોરની ધરપકડ કરી વધુ તપાસ હાથ ધરી છે.