ગુરુવારની રાત કાળ બનીને આવી : એક જ રાતમાં ગુજરાતમાં ત્રણ અકસ્માત, 6 ના કમકમાટીભર્યાં મોત

અકસ્માત-1
અમદાવાદ વડોદરા એક્સપ્રેસ વે પર ગમખ્વાર અકસ્માતમાં એક જ પરિવારના ચાર વ્યક્તિઓના કમકમાટીભર્યાં મોત નિપજ્યા છે. એક્સપ્રેસ વે પર રિલાયન્સ પેટ્રોલ પંપ પાસે ગમખ્વાર અક્સ્માત સર્જાયો હતો. આ અક્સ્માતમાં સાસુ, પુત્રવધુ, અઢી વર્ષની પૌત્રી અને એક પુરુષનું કરુણ મોત નિપજ્યું છે. પરિવાર કારમાં સવાર થઈને અમદાવાદથી વડોદરા તરફ જઈ રહ્યો હતો, ત્યારે કારને અક્સ્માત નડ્યો હતો. 

આ પણ વાંચો : Janmashtami 2022: જાણો દ્વારકા મંદિરની ધજા પાછળ છુપાયેલા છે આ ગૂઢ ચમત્કારી રહસ્યો!

અકસ્માત-2
અમદાવાદમાં RTO પાસે મોડી રાત્રે હિટ એન્ડ રનની ઘટના બની હતી. ઔડી કાર ચાલકે મોડી રાત્રે બાઈક ચાલકને અડફેટે લીધો હતો. જેમાં વિશાલા હોટલમાં નોકરી કરતા કેશિયરનું ઘટનાસ્થળે મોત નિપજ્યું હતું. કાર ચાલકે ચીમનભાઈ બ્રિજથી બાઈકને RTO સર્કલ સુધી ઘસેડી હતી. મૃતક 25 વર્ષીય યશ ગાયકવાડ ઝુંડાલનો રહેવાસી હતો. GJ-01-RP-0774 નંબરની કારનો ચાલક અકસ્માત બાદ ફરાર થયો હતો. એલ ડિવિઝન ટ્રાફિક પોલીસે ફરિયાદ નોંધી કાર્યવાહી હાથ ધરી છે. 

આ પણ વાંચો : VIDEO: આવી ચટણી ખાય છે શહેરીજનો! ખુલ્લા પગે ખૂંદીને બનાવાય છે લસણની ચટણી

અકસ્માત-3
દાહોદના લીમખેડામાં સર્કિટ હાઉસ પાસે હિટ એન્ડ રનની ઘટનામાં એક યુવકનું ઘટના સ્થળે મોત નિપજ્યુ હતું. રેતી ભરેલા ડમ્પરે બાઈક ચાલકને 500 મીટર સુધી ધસડ્યો હતો. જેમાં યુવાનનું મોત થયું, તેમજ અન્ય ઈજાગ્રસ્ત યુવાનને દાહોદ હોસ્પિટલમાં સારવાર માટે ખસેડાયો હતો. ડમ્પર ચાલક અકસ્માત સર્જી ફરાર થયો હતો. લીમખેડા પોલીસે ઘટનાસ્થળે પહોંચીને તપાસ શરૂ કરી.