ચેતન પટેલ/સુરત: શહેરના નાના વરાછા ખાતે આવેલી ચોપાટી પાછળ તાપી નહિ કિનારે છેલ્લા કેટલાય સમયથી દેશી દારુની ભઠ્ઠીઓ ચાલી રહી હતી. દરમિયાન આજે બપોરના સમયે પાસના કન્વીનર તથા કાર્યકરો દ્વારા આ દેશી દારુની ભઠ્ઠી પર રેડ પાડવામા આવી હતી. રેડ પાડતાની સાથે જ બુટલેગર ત્યાથી ભાગી છુટયો હતો.
અંદાજિત 25 જેટલી દેશી બનાવટનો દારુ ભરેલ બેરેક મળી આવી હતી. પાસની ટીમ દ્વારા પોલીસ કમિશ્નર તથા પોલીસ કંટ્રોલ રુમને આ અંગે માહિતિ આપવામા આવી હતી. આ ઉપરાત પાસના કાર્યકરો દ્વારા દારુ ભરેલ બેરેક નષ્ટ કરવામા આવ્યો હતો. બીજી તરફ ઘટનાની જાણ થતા જ કાપોદ્રા પોલીસ ઘટના સ્થળે આવી પહોંચી હતી. જો કે મીડિયાને જોતા જ પોલીસ દારુ ભરેલ બેરેક પાસે આવી ન હતી.
ઉલ્લેખનીય છે કે, છેલ્લા કેટલાય સમયથી અહીં તાપી નદિ મારફતે દેશી દારુનો ધંધો ધમધમી રહ્યો હતો. આ અંગે જો સ્થાનિકને જાણ હોય તો શું કાપોદ્રા પોલીસ કે, જે માત્ર 300 મીટર દુર આવેલ છે. તેને જાણ ન હોય હાલ લોકોએ અનેક સવાલો ઉભા કરીને રોષ વ્યકત કર્યો છે. તેઓએ સીધો આક્ષેપ કરતા જણાવ્યુ હતુ કે, પોલીસને દર મહિને હપ્તા પહોંચતા હોવાને કારણે કોઇ પગલા લેવાતા નથી. હવે આ અહેવાલ બાદ પોલીસ કમિશનર સતીશ શર્મા દ્વારા કયા પ્રકારના પગલા લે છે તે તો જોવુ રહ્યુ.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે