ગુજરાત : બેટી બચાવો, બેટી પઢાઓની ગુલબાંગો વચ્ચે ડ્રોપ આઉટ રેશિયો ભયજનક સ્તરે પહોંચ્યો

અમદાવાદ : સરકાર દ્વારા બેટી બચાવો બેટી પઢાઓ અભિયાનનો જોરશોરથી પ્રચાર પ્રસાર કરવામા આવી રહ્યો છે. જો કોઇ યુવતી ભણવા ઇચ્છે તો તેના માટે સરકાર અલાયદી વ્યવસ્થા પણ કરતી હોય છે. તમામ પ્રયાસો છતા પણ ડ્રોપ આઉટ રેશિયો ઘટવાને બદલે વધ્યો છે. હાલમાં જ આવેલા નેશનલ હેલ્થ પ્રોફાઇલ દ્વારા એક સર્વેનો અહેવાલ પ્રકાશિત કરવામાં આવ્યો હતો. ચિલ્ડ્રન ઇન ઇન્ડિયા નામના આ સર્વેમાં બહાર આવ્યું કે, માત્ર 43 ટકા બાળકો જ ધોરણ 11 ધોરણ બાદ ભણવા માટે આગળ વધી શકે છે. ધોરણ 11 સુધીમાં તો 59 ટકા યુવતીઓ અભ્યાસ છોદી દે છે. ગુજરાતમાંથી દર 10માંથી 6 કિશોરીઓ 10 ધોરણ બાદ અભ્યાસ છોડી દે છે.