કપૂત પુત્રએ પોતાની માતા-પિતાની શાળામાં જ કામ કરતી શિક્ષિકા પર વારંવાર આચર્યું દુષ્કર્મ

કેશોદમાં ઉમિયા નગર વિસ્તારમાં રહેતી એક યુવતી કેશોદના ડી.પી રોડ ઉપર આવેલ વી.વી એકેડમીમાં શિક્ષિકા તરીકે નોકરી હતી. આ શાળાના સંચાલકના કપૂત પુત્ર અભિષેક મનસુખભાઇ આંકોલાએ પોતાના માતા-પિતાની સ્કુલમાં શિક્ષિકા તરીકે નોકરી કરતી યુવતીનો ગેરલાભ લઈ, યુવતીને પ્રથમ વખત મોટરસાઈકલમાં બેસાડી કેશોદ અક્ષયગઢ તરફ વાડી વિસ્તારમાં લઈ ગયો અને યુવતીની મરજી વિરૂદ્ધ દુષ્કર્મમ આચરી કોઇને કહીશ તો નોકરીમાથી કાઢી મુકીશ તેવી ધમકી આપી યુવતીને પોતાનો હવસનો શિકાર બનાવી હતી.

આ પણ વાંચો:- મંગળવારે સર્જાશે અલૌકિક ઘટના, નભોમંડળમાં જોવા મળશે આ બે ગ્રહોનું મિલન

તે બાદ બીજી વખત અભિષેક મનસુખભાઈ આંકોલાએ પોતાની સ્કૂલની ઉપર આવેલ પોતાના ઘરના રૂમમાં યુવતીને લઈ જઈ યુવતીની એકલતાનો લાભ લઈ ફરી એક વખત મરજી વિરૂદ્ધ દુષ્કર્મ આચર્યુ હતું અને ત્યારે યુવતી સાથે કાળાકામ કરનાર અભિષેક મનસુખભાઇ આંકોલાએ કહેલ કે, તારા ડોક્યુમેન્ટ સ્કુલમાં દેવાના છે, તેમ કહી યુવતીના ડોક્યુમેન્ટ મેળવી, તેનુ મેરેજ સર્ટીફીકેટ પણ બનાવી લીધું હતું.

આ પણ વાંચો:- રાજકોટ : વૃદ્ધાએ સાતમા માળથી કૂદીને મોત પસંદ કર્યું, આખી ઘટના CCTV મા કેદ

ગત તા. 17 નવેમ્બર 2020 અને તે બાદ બે વખત કેશોદની શાળાના સંચાલકના કપૂતરે પોતાના માતા-પિતાની શાળામાં અભ્યાસ કરાવતી શિક્ષિકા સાથે આચરેલ દુષ્કર્મ અંગે અંતે યુવતીએ સાત માસ બાદ હિંમત એકઠી કરી કેશોદ પોલીસમાં ફરિયાદ નોંધાવી છે. કેશોદના ઈન્ચાર્જ પી.આઈ. ચૌહાણ દ્વારા વધુ તપાસ હાથ ધરાઈ છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube