સુરત: સ્વામીએ ભગવો લજવ્યો, 14 વર્ષના કિશોરને કર્યા શારીરિક અડપલાં

સુરતના વેડરોડ વિસ્તારમા સ્વામીનારાયણ ગુરુકુળ સ્કુલ આવેલ છે. જ્યાં 14 વર્ષનો બાળક ધોરણ 9માં અભ્યાસ કરે છે. અભ્યાસ દરમિયાન ત્યાં સેવા આપતા સાધુ પતિતપાવન સ્વામીએ બાળક પર નજર બગાડી હતી. સ્વામીએ એકલતાનો લાભ ઉઠાવીને બાળક સાથે શારીરિક છેડતી કરી હતી. શરુઆતમા બાળકને આ અંગે કોઇને ન કહેવાની ધમકી આપવામા આવી હતી.

રાજ્યમાં વાવાઝોડા સાથે વરસાદ, તસવીરોમાં જુઓ ક્યાં છે કેવી સ્થિતિ

જો કે બાદમા પણ સ્વામી દ્વારા આ જ રીતની શારીરિક છેડતી શરુ રાખી હતી. જે અંગે બાળકે તેના પરિવારજનોને જાણ કરી હતી બાળકની વાત સાંભળતા જ પરિવારજનોના પગ તળિયેથી જમીન સરકી પડી હતી અને તેઓ તાત્કાલિક આ અંગે કતારગામ પોલીસ મથકમા દોડી જઇ સ્વામી પતિતપાવન વિરુધ્ધ ફરિયાદ નોંધાવી હતી. જે ફરિયાદના આધારે પોલીસે કિશોરનુ નિવેદન નોંધી વધુ તપાસ હાથ ધરી હતી.