અહો આશ્ચર્યમ: ગુજરાત સરકારમાં મંત્રી ગામમાં ઝોળી લઇને અનાજ માંગવા નિકળ્યાં

કદાચ પહેલીવાર કોઈ મંત્રી મકરસંક્રાતિની ઉજવણી ધાબા કે અગાસી પર નહી પરંતુ ઘરે ઘરે ફરીને ઝોળી પર્વના ભાગરૂપે ધાન ઘરાવતા જોવા મળી રહ્યા છે. મંત્રી અર્જુનસિંહ ચૌહાણ વર્ષોથી આ જ પ્રકારે મકરસંક્રાતિ ના દિવસે ધાર્મિક પરંપરા મુજબ ઘેર ઘેર ફરી ઝોળીપર્વની ઉજવણી કરે છે.

વર્ષો થી મંત્રી આ રીતે પોતે ઝોળી લઈને પોતાના માદરે વતન વાંઠવાળી ગામ ખાતે ઘરે ઘરે ફરી ને ધાન્ય ઉઘરાવે છે. ત્યારે પોતાની ભારતીય સંસ્કૃતિ અને ધાર્મિક આસ્થા મુજબ મકરસંક્રાતી ની ઉજવણી કરી.અત્રે ઉલ્લેખનીય છે કે, ગામની પરંપરા અનુસાર તેઓ દર વર્ષે આ પ્રકારે મકરસંક્રાંતિની ઉજવણી કરતા હોય છે.