)
Crime News ચેતન પટેલ/સુરત : હવે રીક્ષામાં સવારી કરનારા મુસાફરો પણ સલામત રહ્યા નથી. સુરતમાં રીક્ષામાં ચોરી કરતી ગેંગ ઝડપાઈ ગઈ છે. સુરતના કતારગામ પોલીસે રીક્ષામાં મુસાફરનો સ્વાંગ રચી મોબાઈલ ચોરી કરતી ગેંગને ઝડપી પાડી અનેક ગુના ઉકેલી કાઢ્યા છે. ઝડપાયેલા 3 ગેંગના 6 સાગરીતો પાસેથી પોલીસે 60 મોબાઈલ સહિત 8.80 લાખનો મુદ્દામાલ કબ્જે કરી આગળની તપાસ હાથ ધરી છે.
પ્રાપ્ત માહિતી અનુસાર, સુરત શહેરમાં પેસેન્જરને ઓટો રીક્ષામા પાછળની સીટ ઉપર બેસાડી તેની નજર ચુકવી મોબાઇલ ચોરી કરનાર ઇસમો ઓટો રીક્ષા સાથે કતારગામ જનતાનગર પાળા પાસેથી પસાર થઇ રહ્યા હોવાની મળેલી બાતમીના આધારે પોલીસે વોચ ગોઠવી હતી. બાદમાં કતારગામ પોલીસે પહેલા બે આરોપી ને ઝડપી પાડ્યા હતા એટલું જ નહીં પણ ઝડપાયેલા બન્નેની પૂછપરછમાં મોબાઈલ ચોરીના અનેક ગુનાઓ સામે આવ્યા હતા. પોલીસે ઓટો રીક્ષા અને બન્નેની ધરપકડ કરી આગળની તપાસ શરૂ કરી હતી. ટ્રાફિક ડ્રાઈવ વચ્ચે સતત પેટ્રોલિંગ કામગીરી ચાલી રહી છે. જેને આધારે એક અઠવાડિયામાં 3 ગેગ ઝડપી પાડવામાં આવી છે.
સરહદથી આવી રહ્યું છે મોટુ સંકટ : બનાસકાંઠામાં હવે તીડ આવશે તો અમે બરબાદ થઈ જઈશું
ઝડપાયેલા આરોપીઓ પાસેથી પોલીસે 3.58લાખથી વધુની કિંમતના 60 મોબાઈલ અને 4 ઓટો રીક્ષા જેની કિંમત 5.30 લાખ મળી 8.88 લાખનો મુદ્દામાલ કબજે લીધી છે. પોલીસે ત્રણેય ગેગને અલગ અલગ જગ્યા પરથી પકડી છે. ઝડપાયેલા આરોપીઓ રીઢા ગુનેગાર અને જેલવાસ ભોગવી ચૂક્યા છે.
આ વિશે સુરત ઝોન-3ના ડીસીપી પિનાકીન પરમારે જણાવ્યું હતું કે ત્રણેય ગેંગની મોડ્સ ઓપરેન્ડી રિક્ષામાં મુસાફરને પાછળ બેસાડી નજર ચૂકવી મોબાઈલ તફડાવવામાં માહિર હતા. પોલીસે 60 મોબાઇલ કબજે લીધા છે. IMEI સર્ચ કરી તમામ મોબાઇલ માલિકોને બોલાવવામાં આવશે અને કાયદેસર ની કરી મોબાઈલ પરત આપવામાં આવશે.
આ દેશે ભારતીયોને આવકારવા લાલ જાજમ પાથરી, અહી વિઝા મળ્યા તો ડોલર કરતા વધુ કમાશો
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
