આ માસુમ ચહેરો ભલભલાને આપે છે પડકાર, 80 કિલો વજન હસતા હસતા ઉપાડી લે છે

80 કિલો વજન ઉંચકે છે આ બાળક
સુરતમાં રહેતા 6 વર્ષિય યતિ જેઠવાને જોઈને કોઈ વિશ્વાસ નહીં કરે કે આ માસૂમ ચહેરો ભલભલા લોકોને પણ પડકાર આપી શકે છે. માસૂમ ચહેરા અને નાની ઉંમરના આ છોકરાને જોઈને કોઈ અંદાજ નહીં લગાવે કે માત્ર 6 વર્ષની ઉંમરે તે 80 કિલો વજન ઉપાડી શકે છે. તમને સાંભળીને નવાઈ લાગશે, પરંતુ ગુજરાતના નાના પાવર લિફ્ટરે લોકોને ચોંકાવી દીધા છે. 

વડનગર સાત વાર તૂટ્યું અને ફરી ઊભું થયું : 2800 વર્ષ પહેલા માનવજીવન કેવું હતું તેનો અહેસાસ કરાવશે આ શહેર

પોતાનું વજન 27 કિલો છતાં 80 કિલો વજન ઉપાડે છે આ બાળક
યતિ જેઠવાની ઉંમર ભલે 6 વર્ષની હોય પરંતુ અત્યાર સુધીમાં તેણે પાવર લિફ્ટિંગ અને વેઈટ લિફ્ટિંગમાં 17થી વધુ મેડલ જીત્યા છે. યતિ જેઠવા ધોરણ 1 માં અભ્યાસ કરે છે. તેના પિતા રવિ જેઠવા શિક્ષક અને જિમ ટ્રેનર છે. પિતા રવિ જેઠવા તેના આ ટેલેન્ટ વિશે જણાવે છે કે, જ્યારે યતિ 2 વર્ષનો હતો ત્યારે હું તેને જીમમાં લઈ જતો હતો. ત્યારે અચાનક જ યેતિને જીમમાં પડેલી પાવરલિફ્ટિંગ સામગ્રીમાં રસ પડ્યો. તેની રુચિ જોઈને મેં ધીમે ધીમે તેને પાવરલિફ્ટિંગની તાલીમ આપવાનું શરૂ કર્યું. અગાઉ મને ખ્યાલ નહોતો કે તે આટલું સારું કરી શકે છે. આજે તેની ઉંમર 6 વર્ષની છે અને તેનું વજન 27 કિલો છે, પરંતુ જ્યારે પણ તે કોઈપણ ટૂર્નામેન્ટમાં જાય છે ત્યારે આજે તે 80 કિલો વજન સરળતાથી ઉપાડી શકે છે.

વડનગર સાત વાર તૂટ્યું અને ફરી ઊભું થયું : 2800 વર્ષ પહેલા માનવજીવન કેવું હતું તેનો અહેસાસ કરાવશે આ શહેર

રોજ 2 કલાક જીમમાં ટ્રેનિંગ લે છે યતિ 
યતિને જોઈને ભલભલા પાવરલિફ્ટર પણ આશ્ચર્યચકિત થઈ જાય છે. તેમણે વધુમાં કહ્યું કે, કહેવાય છે કે નાની ઉંમરમાં પાવર લિફ્ટિંગ કરવાથી ઊંચાઈ નથી વધતી પણ એવું નથી. જો યોગ્ય તાલીમ આપવામાં આવે તો બધું જ શક્ય છે. મને લાગે છે કે મારો દીકરો  વેઇટલિફ્ટર બને. તે આ ઉંમરે દરરોજ 2 કલાક જીમમાં ટ્રેનિંગ કરે છે. તેની ઉંમર પ્રમાણે તે 9મી કેટેગરીમાં આવે છે. પરંતુ તે એટલું વજન ઉપાડે છે કે તેની સામે કોઈ ટકી ન શકે. 

રામ મંદિર જેવો ઘંટ ગુજરાતના આ નવા મંદિરમાં મૂકાશે, કરોડોનો કરાયો છે ખર્ચ