સંદીપ વસાવા/કામરેજ: સુરત જિલ્લાના કામરેજ તાલુકાના એક ગામમાં સગીરાની છેડતી કરવી યુવકને ભારે પડી છે. ગ્રામજનોએ યુવકનું અર્ધ મુંડન કરી પાઠ ભણાવ્યો હતો અને કામરેજ પોલીસ મથકે ફરિયાદ નોંધાવી હતી. અર્ધ મુંડન કરેલ યુવકનો વિડિયો સોશિયલ મીડિયામાં વાયરલ થયો હતો.
કર્ણાટકની નહીં ગુજરાતની રણનીતિની હાર : મહિનો અડીંગા નાખનાર ભાજપના નેતાઓની ચૂપકીદી
આ ઘટનાની મળતી માહિતી પ્રમાણે, સુરત જિલ્લાના કામરેજ તાલુકાના એક ગામે 13 વર્ષીય સગીરા દુકાને દૂધની થેલી લેવા ગઈ હતી તે દરમિયાન એક યુવક સગીરા પાસે આવ્યો હતો અને સગીરાને હાથમાં એક કાગળ આપવાની કોશિશ કરી હતી. સગીરાએ કાગળ નહિ લેતા યુવકે સગીરાનો હાથ પકડી છેડતી કરી હતી. સગીરા યુવકની હરકતથી ગભરાઈ ગઈ ઘરે આવી ગઈ હતી.
ફરી ગુજરાતમાં સૌથી મોટા ડ્રગ્સ ષડયંત્રનો પર્દાફાશ:કરોડોમાં છે કિંમત,થઈ શકે છે ખુલાસા
સમગ્ર ઘટનાની જાણ પોતાની માતાને જણાવતા સગીરા અને માતા યુવકને શોધવા બજારમાં નીકળ્યા હતા. લસકાણા ગામ તરફ જવાના રસ્તા પર યુવક નજરે ચડતા સગીરાએ ઓળખી કાઢ્યો હતો. છેડતીની ઘટનાની જાણ આસપાસ વિસ્તારના લોકોને થતા એકઠા થઈ ગયા હતા. રોષે ભરાયેલા લોકોએ યુવકની પૂછપરછ કરી યુવકનું અર્ધ મુંડન કર્યું હતુ. જે વિડિયો પણ સોશિયલ મીડિયામાં વાયરલ થયો હતો.
પાટણમાં બે સગીર બાળકીઓની જિંદગી બચી! દૂધ-બિસ્કિટની લાલચે વૃદ્ધ ઘરે બોલાવતો અને પછી..
સમગ્ર ઘટનાની જાણ કામરેજ પોલીસને કરતા કામરેજ પોલીસે યુવકની અટક કરી છે અને તેઓ વિરૂદ્ધ કાર્યવાહી હાથ ધરી છે. ઝડપાયેલા આરોપીનું નામ ધવલભાઈ પ્રવીણભાઈ મારું હોવાનું જાણવા મળ્યું છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે