Surat News ચેતન પટેલ/સુરત : સુરત પંડોળમાં ઘર સામે રમતી ચાર વર્ષીય બાળકીનું ચોકલેટની લાલચે અપહરણ કરી દુષ્કર્મ ગુજારનાર આરોપી અંકિત ગૌતમ વિરુદ્ધ ઝડપથી ન્યાયિક પ્રક્રિયા ચલાવી શકાય તે માટે ચોકબજાર પોલીસે ૧૩ દિવસમાં જ કોર્ટમાં ચાર્જશીટ કરી દીધી છે.આ સાથે ફાસ્ટ્રેક કોર્ટમાં કેસ ચાલે તે માટે અપીલની તૈયારી પણ કરી છે. પોલીસે આ કેસમાં ફેસ 1 અને ગેટ એનાલિસિસ ટેસ્ટ ઉપર ભાર મૂક્યો હતો. એફએસએલ પાસે કરાયેલા ટેસ્ટનાં વિવિધ સેમ્પલ્સને પણપુરાવા તરીકે મૂક્યા છે.
ગુજરાતીઓ પર મોંઘવારીનો વધુ એક માર! મોંઘા થયા શાકભાજી, લીંબુના ભાવ આસમાને
ફેબ્રુઆરીના મંગળવારે રાત્રે સાડા આઠેક વાગ્યાના અરસામાં પંડોળ વિસ્તારમાં ચાર વર્ષની બાળકી તેના ઘર બહારથી ગુમ થઇ હતી. અગિયારેક વાગ્યાના અરસામાં બાળકી વેડરોડ અખંડ આનંદ કોલેજ પાસે રોડ પર નગ્ન અને ગુપ્ત ભાગેથી લોહીલુહાણ અવસ્થામાં મળી આવી હતી.પોલીસે સીસીટીવી ચેક કરતાં પીળું ટી-શર્ટ, કાળુ પેન્ટ અને ટોપી પહેરીને આવેલો શંકાસ્પદ યુવક બાળકીનું અપહરણ કરી જતો દેખાઈ આવ્યો હતો. પંડોળમાંથી જ હવસખોર અંકિત ઓમપ્રકાશ ગૌતમ ની ધરપકડ થઈ હતી.
ભાજપ હવે કોર ઉંદરોની પાર્ટી : દીકરા સામે જ ગુજરાતમાં બાપે મોરચો માંડ્યો
આ કેસ ઝડપથી ચાલે તે માટે બનાવાયેલી એસઆઇટીએ ૧૩ દિવસમાં જ ચાર્જશીટ કોર્ટમાં ફાઈલ કરી હતી. ૪૦૦ પાનાની ચાર્જશીટમાં પોલીસે નવી ટેક્નોલોજીથી મેળવેલા પુરાવાને વધુ પ્રાધાન્ય આપ્યું હતું. જે સીસીટીવી ફૂટેજ મળ્યા હતા તેમાં દેખાતી વ્યક્તિ અને ધરપકડ કરાયેલો આરોપી એક જ છે તે સાબિત કરવા ગેટ એનાલિસિસ અને ફેસ એનાલિસિસ ટેસ્ટની મદદ લેવાઈ હતી. આ બંને ટેસ્ટ પોઝિટિવ હોવાનું સુરત અને ગાંધીનગરની એફએસએલનો અભિપ્રાય આપવામાં આવ્યો હતો. આ ટેસ્ટને પુરાવા તરીકે મૂકવાની સાથે આરોપીના સ્પર્મ, બ્લડ રિપોર્ટ અને સાંયોગિક પુરાવા પણ રજૂ કર્યા છે.
ભાજપનો સૌથી મોટો ભરતી મેળો : રાજકારણના 5 મોટા માથાના એકસાથે કેસરિયા, 2500 જોડાયા
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે