Student Visa : વિદેશ જવામાં ગુજરાતીઓ જ નહિ, આ રાજ્યોના લોકો પણ છે આગળ

વિદેશ જતા ભારતીય વિદ્યાર્થીઓની સંખ્યા બે વર્ષમાં જ 20 લાખને પાર થઈ ગઈ છે. શુક્રવારે દિલ્હી ખાતે આયોજિત ગ્લોબલ એજ્યુકેશન કોન્ક્લેવમાં એક રિપોર્ટ રજૂ કરાયો હતો. રિપોર્ટ બિયોન્ડ બેડ્સ એન્ડ બાઉન્ડરીઝ ઈન્ડિયન સ્ટુડન્ટ્સ મોબોલિટી રિપોર્ટ 2023 અનુસાર, વર્ષ 2019 માં 10.9 લાખ ભારતીય વિદ્યાર્થીઓ વિવિધ દેશોમાં ભણવા ગયા હતા. તો ચાલુ વર્ષમાં આ આંકડો 20 લાખને પાર થવામાં છે. 

બોર્ડની પરીક્ષા પહેલા મોટો નિર્ણય : ધોરણ 10 અને 12 ની પરીક્ષા ફીમાં તોતિંગ વધારો

કયા કયા દેશો તરફ ભારતીયોનો ક્રેઝ
હાલ ભારતીય વિદ્યાર્થઈઓ ઉચ્ચ અભ્યાસ માટે વિદેશ જવાના ખ્વાબ રાખે છે. જેમાં જર્મની, કિર્ગીસ્તાન, આયર્લેન્ડ, સિંગાપોર, રશિયા તથા ફ્રાન્સનું પ્રમાણ વધારે છે. જો આંકડો વધતો જશે તો 2025 સુધીમાં તે 20 લાખને પાર થઈ જશે.

વિદેશ જતા વિદ્યાર્થીઓનું રાજ્યવાર પ્રમાણ જોઈએ તો પંજાબની ટકાવારી 12.5 ટકા, આંધ્રપ્રદેશ/તેલંગણાની 12.5 ટકા, મહારાષ્ટ્રની 12.5 ટકા તેમજ ગુજરાત, દિલ્હી, તમિલનાડુની 8 ટકા, કર્ણાટકની 6 ટકા અને અન્ય રાજ્યોની 33 ટકા છે. 

આ સાથે જ આ રિપોર્ટમાં જણાવાયું કે, વિદેશ અભ્યાસ જવા માટે વિદ્યાર્થીઓનો કુલ ખર્ચ 2025 સુધીમાં આ આંકડો 70 અબજ ડોલર પર પહોંચી શકે છે. 2019 માં આ આંકડો 37 અબજ ડોલર જેટલો થયો હતો. 

ગુજરાતમાં ડબલ ઋતુનો ડોઝ : આ તો ટ્રેલર છે, અસલી ઠંડી તો આ દિવસથી પડવાની શરૂઆત થશે