whatsapp થી ગુજરાતમાં લેવાશે ધોરણ 3 થી 12ની ઓનલાઈન પરીક્ષા

રજિસ્ટ્રેશન કરાવવા વિદ્યાર્થીઓએ 8595524523 નંબર પર HELLO લખીને મેસેજ મોકલવાનો રહેશે. હેલો લખીને મેસેજ મોકલ્યા બાદ સામેથી રિપ્લાય આવશે, જેમાં વિદ્યાર્થીએ સ્કૂલનો યુ ડાયસ કોડ લખવાનો રહેશે. વિદ્યાર્થીઓએ પોતાની વિગતો શેર કરવાની રહેશે. ત્યારબાદ વિદ્યાર્થીની ખરાઈ કરાશે. એકવાર વિદ્યાર્થીની ખરાઈ થાય ત્યારબાદ જ વિદ્યાર્થી વોટ્સએપ (whatsapp) પર પરીક્ષા આપી શકશે. 

આ પણ વાંચો : વ્હાલા રાજકોટને સીએમ રૂપાણીની 489 કરોડની ભેટ 

વોટ્સએપના માધ્યમથી લેવાનારી પરીક્ષાનો ફાયદો એ છે કે, તેમાં વિદ્યાર્થીને ઝડપી પરિણામ મળશે. એક ઘરમાં એક કરતાં વધુ વિદ્યાર્થીઓ હશે તો તેઓ પણ નોંધણી કરાવી શકશે. આ મલ્ટી યુઝર તરીકે કામ કરશે. વોટ્સએપ બેઇઝડ પરીક્ષામાં 10 પ્રશ્ન પૂછાશે, જેમાંથી એક સ્ક્રીન પર દેખાશે તમામના 4 ઓપ્શન આપવામાં આવશે. 23 જાન્યુઆરી બાદ દર અઠવાડિયે વિદ્યાર્થીઓની પરીક્ષા લેવાશે.

ઉલ્લેખનીય છે કે, રાજ્યમાં 11 જાન્યુઆરીથી ધોરણ 10 અને 12ની સ્કૂલો શરૂ કરી દેવામાં આવી છે.વિદ્યાર્થીઓ પણ ઉત્સાહભેર સ્કૂલમાં જઈ રહ્યાં છે. ત્યારે કેશોદમાં 11 વિદ્યાર્થી કોરોના પોઝિટીવ આવતાં વાલીઓમાં ચિંતાઓ થઈ રહી છે. આ દરમિયાન શિક્ષણ વિભાગ અને સરકારમાં પણ હવે ધોરણ 9 અને 11ની સ્કૂલો શરૂ કરવા માટે ગંભીર વિચારણાઓ થઈ રહી છે. 

આ પણ વાંચો : ત્રણ પ્રેમીઓના વચ્ચેના પ્રેમનો કરુણ અંજામ, એક પ્રેમીએ કરી પ્રેમિકાના બીજા પ્રેમીની હત્યા