અંધેર નગરી ગંડુ રાજા! ગુજરાતના આ સ્માર્ટ સિટીમાં બત્તી ગુલ થાય તો છવાઈ જાય છે અંધારપટ

અમદાવાદ શહેરના નગરજનોને અમદાવાદ મ્યુનિસિપલ કોર્પોરેશન દ્વારા પ્રાથમિક જરૂરિયાત પૂરી પાડવામાં આવે છે તેના બદલામાં તેઓ પાસેથી પ્રોપર્ટી ટેક્સ વસૂલ કરવામાં આવે છે. જેથી નગરજનોને પ્રાથમિક સુવિધા સુચારૂ રૂપે પૂરી પાડવી તે તંત્ર તથા સત્તાધિશોની ફરજ બની જાય છે. પરંતુ છેલ્લા કેટલાક સમયથી સત્તાધારી ભાજપના દ્વારા "અંધેરી નગરી અને ગુંડા રાજા" જેવો વહીવટ કરીને પ્રજાને પ્રાથમિક સુવિધાઓ બાબતે ફરિયાદો કરવી પડે તેનો લાંબા સમય સુધી નિકાલ ન આવતા નથી.

દક્ષિણ ગુજરાતનું ચમત્કારિક ગણપતિ મંદિર, જ્યાં બાદશાહ ઔરંગઝેબે પણ ઘૂંટણિયે પડીને માફી માંગી હતી

હાલમાં અમદાવાદ શહેરમાં સ્ટ્રીટ લાઈટના ૨ લાખ પોલ, હાઈમાસ્ટ લાઈટના ૨૪૬ પોલ તથા બી.આર.ટી.એસ. કોરિડોરમાં 5000 એલઈડી સ્ટ્રીટ લાઈટના પોલ મળી કુલ ૨,૦૭,૦૦૦ જેટલા વિવિધ સ્ટ્રીટ લાઈટના પોલ છે. જેમાં રોજના અંદાજે ૩૦૦૦ થી ૪૦૦૦ પોલ બંધ હાલતમાં હોય છે. તે બાબતે પ્રજાજનો દ્વારા વર્ષ ૨૦૨૨-૨૩ માં ૯૨૫૩૯ સને ૨૦૨૩-૨૪ માં ૯૫૫૮૮ મળી કુલ ૧,૮૮,૧૨૭ જેટલી સ્ટ્રીટ લાઈટ અંગેની ફરિયાદો મળી છે. જે અંદાજે રોજની ૪૦૦ જેટલી ફરિયાદો પ્રજાજનો દ્વારા કરવામાં આવે છે. નાગરિકો દ્વારા ઓનલાઇન ફરિયાદ કર્યાના કલાકો બાદ ફરિયાદનો ઉકેલ આવી ગયેલ છે તે બાબતનો મેસેજ મોકલી દેવામાં આવે છે, પરંતુ સમસ્યાઓ ઠેરની ઠેર જ રહે છે.

સ્ટ્રીટ લાઈટના પોલનું સમયાંતરે નિયમિત સુપરવિઝન તથા સ્ટ્રીટ લાઈટ બંધ હોવા બાબતની ફરિયાદોનો તાકીદે નિકાલ નહીં કરાતા મ્યુનિસિપલ કોર્પોરેશન નું લાઈટ ડિપાર્ટમેન્ટ અંધેર રાજ ચાલે છે. તંત્રના અધિકારીઓ દ્વારા નિયમિત મોનિટરિંગ પણ કરવામાં નથી આવતું. થોડા સમય પહેલા મ્યુનિસિપલ કમિશનર દ્વારા તંત્રના અધિકારીઓને નિયમિત રાત્રે રાઉન્ડ લઈને સ્ટ્રીટ લાઈટ બંધ હોવા બાબતે તપાસ કરી તેનો ઉકેલ લાવવા આદેશ આવ્યો હતો. પરંતુ "શેઠની શિખામણ ઝાંપા સુધી" જેવી માન્યતા ધરાવતું તંત્ર આંખ આડા કાન કરે છે. 

ગુજરાતની દીકરી ફરી ફસાઈ! સુનિતા વિલિયમ્સને લીધા વગર પરત ફર્યું સ્ટારલાઈનર