બટાટાંમાં એવી સફળતા મળી કે ગુજરાતના ખેડૂતોના પણ ન્યારાં વારાં થશે, રૂપિયાના ઘરે ઢગલાં થશે

100થી 120 દિવસમાં તૈયાર થાય છે બટાટાની આ પ્રજાતિ
બટાટાના કંદ બનવા માટે રાતનું તાપમાન 18થી 20 ડિગ્રી સેલ્સિયસ સુધી હોવું જોઈએ, જ્યારે આ પ્રજાતિ તેનાથી વધુ તાપમાનમાં કંદ તૈયાર કરવામાં સક્ષમ છે. ઊંચા તાપમાનમાં પણ આ પ્રજાતિ અન્ય જાતોની જેમ 25 ટન પ્રતિ હેક્ટર ઉત્પાદન કરશે. વધુ પડતી ગરમીના કારણે ઘણા વિસ્તારોમાં બટાટા ઉગાડી શકાતા નથી, પરંતુ હવે ખેડૂતો આ નવી જાતનું વાવેતર ગરમ વિસ્તારોમાં કરી શકશે. CRPIએ તેને મંજૂરી આપી છે. હવે તે ખેડૂતોના ઉપયોગ માટે તૈયાર છે. વૈજ્ઞાનિકોના મતે બટાકાની આ જાત 100-120 દિવસમાં તૈયાર થઈ જાય છે.

આ પણ વાંચોઃ આખરે સરકારી કર્મચારીઓના નસીબ ખૂલ્યા, પ્રમોશન માટે સરકારે લીધો આ નિર્ણય

મેદાની વિસ્તારમાં બટાકાના કંદ ખૂબ ગરમ થાય તે પહેલાં તેને બહાર કાઢવામાં આવે છે કારણ કે ભારે ગરમીમાં બટાકાની દાંડીનું કદ પ્રભાવિત થાય છે. બટાટાનો પાક મોડો ઊગવાથી અને ગરમીના કિસ્સામાં ખેડૂતોને નુકસાન પણ સહન કરવું પડે છે. કુર્ફી કિરણની જાત ઉનાળામાં લાંબો સમય વાવવામાં આવે તો પણ તેના કંદને અસર થશે નહીં અને તેનો ફાયદો ખેડૂતને થશે.

આ રીતે તૈયાર થાય છે નવી પ્રજાતિ
બટાકાની નવી જાત તૈયાર કરવામાં 8 થી 10 વર્ષનો સમય લાગે છે. પ્રજાતિઓ ક્રોસ-બ્રિડ્ડ છે અને તત્વોનું પરીક્ષણ કરવામાં આવે છે. જ્યારે તે માપદંડોને પૂર્ણ કરે છે ત્યારે નવી વિવિધતા બહાર પાડવામાં આવે છે. બટાટાની આ નવી જાતનું સમગ્ર દેશમાં સીઆરપીઆઈના છ કેન્દ્રોમાં વાવેતર કરીને પરીક્ષણ કરવામાં આવ્યું છે. આ બટાકાના બીજનું પરીક્ષણ ગરમ પ્રદેશોમાં પણ કરવામાં આવ્યું છે જ્યાં કૃષિ વિજ્ઞાન કેન્દ્રો છે.

આ પણ વાંચોઃ મહાભારતના સંજય જેવી દ્રષ્ટિ છે સુરતના જીત પાસે, બંધ આંખોથી જુએ છે આખી દુનિયા

ગુજરાતના ખેડૂતોને પણ થશે ફાયદો
ગુજરાતમાં અત્યારે બટાટાં માત્ર ઉત્તર ગુજરાતમાં જ થાય છે. ડિસા બટાટા માટેનું હબ છે. પરંતુ બટાટાંની નવી જાત આવ્યા બાદ ગુજરાતના અન્ય પ્રદેશના ખેડૂતો પણ તેની વાવણી કરી શકશે. સૌરાષ્ટ્ર સહિત રાજ્યમાં અન્ય જગ્યાએ તાપમાન ઊંચુ રહે છે, જ્યાં પણ આ બટાટાનું ઉત્પાદન થઈ શકશે. 

દક્ષિણ ભારતમાં પણ થશે બટાટાનું ઉત્પાદન
કુફરી કિરણ પ્રજાતિ આવવાથી હવે આંધ્ર પ્રદેશ, તેલંગણા, કર્ણાટક, તમિલનાડુ તથા ગોવામાં પણ બટાટાના બીજ તૈયાર કરી શકાશે. આ પ્રજાતિના બીજ પોટેટો સીપીઆરઆઈ સિવાય બટાટા ઉત્પાદન સંઘ અને કંપનીઓ તૈયાર કરી કિસાનોને ઉપલબ્ધ કરાવશે. વર્તમાનમાં પંજાબ, ઉત્તરપ્રદેશ અને હિમાચલથી બીજ આવે છે. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube