ભૂમિ પૂજનના દિવસે ગુજરાત ટપાલ વિભાગ દ્વારા પિક્ટોરિઅલ કેન્સલેશન જારી કરાઈ

અમદાવાદઃ ગુજરાત ટપાલ વિભાગ દ્વારા રામ મંદિર ભૂમિ પૂજન દિવસ નિમિત્તે વિશેષ પિક્ટોરિઅલ કેન્સલેશન જારી કરાઈ છે. આ કેન્સલેશન 05.08.2020 ના રોજ ગુજરાતના ત્રણેય ફિલાટેલી બ્યુરોઝ (અમદાવાદ જી.પી.ઓ., વડોદરા એચ.ઓ. અને રાજકોટ એચ.ઓ.) માં પ્રકાશિત કરવામાં આવી છે અને તે 05.08.2020 ના રોજ ત્રણેય બ્યુરો પર પ્રાપ્ત ટપાલ પર લગાવવામાં આવશે. ફિલાટેલિકના શોખમાં, વિશેષ પિક્ટોરિઅલ કેન્સલેશન ખૂબ મહત્વનું છે અને તે ફિલાટેલિક મૂલ્યમાં ખૂબ  જ શ્રેષ્ઠ છે.
　　　　
ગુજરાતના  મુખ્ય પોસ્ટમાસ્ટર  જનરલ, અશોક  કુમાર  પોદ્દારે ગુજરાતના  મુખ્યમંત્રી  વિજયભાઇ રૂપાણીને, "રામાયણ"  વિષયની ટપાલ ટિકિટો પર રામ મંદિર ભૂમિ પૂજન દિવસ નિમિત્તે 05.08.2020 ના રોજ પ્રકાશિત વિશેષ પિક્ટોરિઅલ કેન્સલેશન સાથે વિશેષ આલ્બમ પ્રસ્તુત કર્યું.