Hardik Patel ને ગુજરાત કોંગ્રેસનું સુકાન સોંપવા મુદ્દે NSUI એ કહી મોટી વાત

આ પણ વાંચો : નરેન્દ્રભાઈના મૃતદેહ પાસે ફોન રણકતો રહ્યો, ભાનમાં આવ્યા બાદ પુત્રવધુ ઉર્વીએ પોતાના જ ગાલ પર લાફા માર્યાં

અમિત ચાવડા, પરેશ ધાનાણીના રાજીનામથી ખુશ NSUI
મહાનગરપાલિકા, નગરપાલિકા, જિલ્લા પંચાયત અને તાલુકા પંચાયતમાં ભાજપની ભવ્ય જીત બાદ કોંગ્રેસ (gujarat congress) પ્રદેશ પ્રમુખ અમિત ચાવડા અને વિધાનસભાના વિપક્ષ નેતા પરેશ ધાનાણીએ પોતાના પદેથી રાજીનામું આપ્યું છે. આ બાદ કેન્દ્રીય નેતૃત્વ એ બંને નેતાઓના રાજીનામાનો તાત્કાલિક સ્વીકાર કર્યા બાદથી યુથ કોંગ્રેસ અને NSUI ના કાર્યકરોમાં ખુશીનો માહોલ જોવા મળી રહ્યો છે. કેન્દ્રીય નેતૃત્વ પ્રદેશ પ્રમુખના નવા નામ અંગે વિચારણા શરૂ કરે એ પહેલા જ યૂથ કોંગ્રેસ અને NSUI એ ઇન્દ્રવિજયસિંહ ગોહિલને પ્રદેશ પ્રમુખ બનાવવામાં આવે તેવી માંગ કરી છે. 

યુવા કાર્યકરને પ્રમુખ બનાવવાની NSUI ની માંગ 
જો કે યુથ કોંગ્રેસ અને NSUIની આ માંગ વર્ષો જૂની છે, જે ક્યારે સ્વીકારવામાં નથી આવી. પરંતુ આ વખતે મહાનગરપાલિકા, નગરપાલિકા, જિલ્લા પંચાયત અને તાલુકા પંચાયતમાં કોંગ્રેસના કારમા પરાજય બાદ તમામ કાર્યકરોમાં યુવા નેતાને કોંગ્રેસનું સુકાન આપવામાં આવે તેવી માંગ ઉઠી છે. ટિકિટ વહેંચણીમાં અનેક વિવાદ બાદ આખરે કોંગ્રેસની હારથી હિમત હારી રહેલા કોંગ્રેસના યુવા કાર્યકરો ઇન્દ્રવિજયસિંહ ગોહિલને સુકાન આપવામાં આવે તેવી ફરી એકવાર માંગ કરી રહ્યા છે.

આ પણ વાંચો : કોણ છે આસિફ, જેનો ઉલ્લેખ આયશા અને આરીફ વચ્ચે થયેલા છેલ્લા ફોનમાં થયો હતો

હાર્દિકના પ્રમુખ બનવા પર NSUI ની પ્રતિક્રીયા 
ત્યારે યુવા પ્રમુખ તરીકે હાર્દિક પટેલના નામ અંગે કોંગ્રેસના યુવા કાર્યકરો પ્રતિક્રિયા આપતા કહે છે કે, હાર્દિકને હજુ લાંબો સમય પક્ષમાં થયો નથી, હાર્દિક સંગઠન બનાવવામાં મહેનત કરે. પરંતુ ઇન્દ્રવિજયસિંહ ગોહિલ વર્ષોથી કોંગ્રેસ સાથે સંકળાયેલા રહ્યા છે. તેમને જે જવાબદારી મળી રહી છે તેમાં તેઓએ પોતાને સાબિત પણ કર્યા છે. કોંગ્રેસ પક્ષને હવે ગુજરાતમાં ટકી રહેવા યુવા તેમજ અનુભવની જરૂર છે.

આ પણ વાંચો : અમદાવાદના આ વિસ્તારોને આજે નહિ મળે પાણી, કરી લેજો વ્યવસ્થા

નવા પ્રમુખ ન બને ત્યા સુધી અમિત ચાવડા સંચાલન કરશે 
ઉલ્લેખનીય છે કે, દિલ્હી હાઇકમાન્ડે પરેશ ધાનાણી અને અમિત ચાવડાનુ રાજીનામું સ્વીકાર્યુ છે. હાઈકમાન્ડે બંને નેતાઓને નવી વ્યવસ્થા ન થાય ત્યાં સુધી સંચાલન કરવાની સુચના આપી છે. હાલ વિધાનસભાનું સત્ર ચાલુ હોવાથી પરેશ ધાનાણી ગૃહના વિપક્ષના નેતા તરીકે યથાવત રહેશે. નવા અધ્યક્ષની જાહેરાત થાય ત્યાં સુધી અમિત ચાવડા કોંગ્રેસનું સુકાન સંભાળશે.