Government Jobs : ગુજરાતમાં ફરીથી નવી નોકરીઓની તક આવી છે. ગૌણ સેવા પસંદગી મંડળ દ્વારા આજે નવી 266 જગ્યાઓ ભરવા માટે જાહેરાત કરાઈ છે. પેટા હિસાબનીશ તથા પેટા તિજોરી અધિકારીની 266 જગ્યાઓ ભરવા જાહેરાત કરાઈ છે. પેટા હિસાબનીશની 116 જગ્યા, અને પેટા તિજોરી અધિકારીની 150 જગ્યાઓમી ભરતી કરવામાં આવનાર છે. આજથી વેબસાઈટ પર ઓનલાઈન ફોર્મ ભરી શકાશે. 1 માર્ચ સુધી ફોર્મ ભરી શકાશે.
ગુજરાત ગૌણ સેવા પસંદગી મંડળ દ્વારા જણાવાયુ કે, આ માટે ઉમેદવારોએ https://ojas.gujarat.gov.in વેબસાઈટ પર આજે તારીખ 15 ફેબ્રુઆરીથી 1 માર્ચ, 2024 સુધી ઓનલાઈન અરજી કરવાની રહેશે. અરજી કરવા માટેની વિગતવાર સૂચનાઓ દરેક ઉમેદવારે પ્રથમ ધ્યાનથી વાંચી લેવી. ભરતી પ્રક્રિયા સંબંધેની તમામ સૂચનાઓ મંડળની વેબસાઇટ https://gsssb.gujarat.gov.in પર મૂકવામાં આવી છે. તેથી સમયાંતરે મંડળની વેબસાઇટ અચૂક જોતા રહેવું.
અમદાવાદના આ દ્રશ્યો હચમચાવશે : કારચાલકે પે એન્ડ પાર્કના કર્મચારીને 300 મીટર ઢસડ્યો
ઓનલાઇન અરજી કરતી વખતે ઉમેદવારોએ પોતાની શૈક્ષણિક લાયકાત, વય, જાતિ તેમજ અન્ય લાયકાતના બધા જ અસલ પ્રમાણપત્રો હાલમાં પોતાની પાસે જ રાખવાના રહેશે અને અરજીપત્રકમાં તે પ્રમાણપત્રોમાં દર્શાવ્યા મુજબની જરૂરી વિગતો ભરવાની રહેશે. આમ, પોતાના બધા જ પ્રમાણપત્રો જેવા કે, શૈક્ષણિક લાયકાત, વચ, શાળા છોડયાનું પ્રમાણપત્ર, કેટેગરી (SC/ST/SEBC/EWS), દિવ્યાંગ (લાગુ પડતું હોય તો), માજી સૈનિક (લાગુ પડતુ હોય તો) તેમજ અન્ય લાયકાતના અસલ પ્રમાણપત્રોને સાથે રાખીને ઓન-લાઇન અરજીમાં પોતાના પ્રમાણપત્રોને આધારે સાચી વિગતો ભરવાની રહે છે. અરજીમાંની ખોટી વિગતોને કારણે અરજી "રદ" થવાપાત્ર બને છે. આથી, ઓનલાઈન અરજીપત્રક ઉમેદવારે કાળજીપૂર્વક ભરવાનું રહે છે.
પદયાત્રીઓની મરણચીસોથી ગુંજ્યો હારીજ હાઈવે : એક જ પરિવારના લોકોને ગાડીએ કચડ્યા
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે