નવરાત્રીના પ્રથમ દિવસે રાજનેતાઓ ભૂલ્યા ભાન, કર્યું માતાજીનું અપમાન

રાજકોટ પૂર્વ વિસ્તારના ભાજપના ધારાસભ્ય અને હમેશા વિવાદોમાં સપડાયેલા રહેતા અરવિંદ રૈયાણી ફરી એક વખત વિવાદમાં આવ્યા છે. નવલી નવરાત્રી ની શરૂઆતના પ્રથમ નોરતે અરવિંદ રૈયાણી બુટ પહેરી માતાજીના દર્શન કરતો ફોટો સોસીયલ મીડિયામાં વાઇરલ થયો છે. 

આ પૂર્વે પણ અરવિંદ રૈયાણી દ્વારા જાનથી મારી નાંખવાની ધમકી આપી હોવાના આક્ષેપ સાથે વરરાજા સાથેની જાન મ્યુનિસિપલ કમિશ્નરને રજુઆત કરવા માટે કોર્પોરેશન કચેરીએ જાનૈયાઓ સાથે પહોંચી હતી. અને વિધાનસભા ચૂંટણી પૂર્વે પણ બળજબરીપૂર્વક પોતાના મતવિસ્તારમાં દુકાનમાં ઘૂસી દુકાનદારને માર મારવામાં આવ્યો હતો ત્યારે પણ અરવિંદ રૈયાણીએ પાયાવિહોણી વાત કરી ભીનું સંકેલવાના ભરપૂર પ્રયાસો કર્યા હતા. તો સાથે થોડા દિવસ પૂર્વે તાલુકા પંચાયતમાં ગ્રાન્ટ વાપરવા મામલે થયેલ બબાલમાં પણ તેમનું નામ સામે આવ્યું હતું.