મહેસાણા: વડનગર હાઇવે પર મલેકપુર ચોકડી પાસે ટ્રક એક્ટિવા વચ્ચે અકસ્માત, ત્રણનાં ઘટના સ્થળે મોત

વડનગર-વિસનગર હાઇવે પર ટ્રક અને એક્ટિવા વચ્ચે ગમખ્વાર અકસ્માત થયો હતો. જેમાં એક્ટિવા પર બેઠેલા ત્રણેય યુવકોનાં ઘટના સ્થળે જ મોત નિપજ્યાં હતા. ઘટના અંગે માહિતી મળતા આસપાસના લોકો એકત્ર થયા હતા. પોલીસને જાણ કરવામાં આવી હતી. પોલીસે ઘટના સ્થળે પહોંચીને કાયદેસરની કાર્યવાહી હાથ ધરી છે. યુવકોનાં પરિવારના લોકોને ઘટના અંગે જાણ કરવામાં આવતા પરિવાર આવી પહોંચ્યો હતો. ત્રણ યુવકોનાં મોતને પગલે ત્રણેય પરિવારો પર આભ ફાટી પડ્યું હતું.