ગુજરાતના રાજકારણમાં ‘દીદી’ની એન્ટ્રી, અમદાવાદમાં TMC ના વિશાળ પોસ્ટર લાગ્યા

આ પણ વાંચો : સાયબર એટેકની નવી મોડસ ઓપરેન્ડી : સેક્સ અને પોર્ન સાઈટ થકી આ રીતે લૂંટે છે લોકોને

ગુજરાતમાં આગામી વર્ષે થનાર વિધાનસભાની ચૂંટણી (gujarat vidhansabha election) પહેલા રાજકારણમાં ગરમાવો આવ્યો છે. ભાજપના ગઢ ગણાતા ગુજરાતમાં મમતા બેનર્જિની એન્ટ્રી થવાનું વિશાળ પોસ્ટર લાગ્યુ છે. અમદાવાદના ગીતા મંદિર એસટી ડેપોની અંદર તૃણમૂલ કોંગ્રેસનું મોટું હોર્ડિંગ લગાવાયું છે. જેમાં 21 જુલાઈ શહીદ દિવસ નિમિત્તે મમતા બેનર્જી વર્ચ્યુઅલ સંબોધન કરશે તેવુ જણાવાયુ છે. પશ્ચિમ બંગાળમાં TMC ના કાર્યકરોના મોત થયા હતા, એમની યાદમાં શહીદ દિવસ મનાવાય છે. આ પોસ્ટર ઉપર ગુજરાત પ્રદેશ TMC નો ઉલ્લેખ કરાયો છે. 

આ પણ વાંચો : અમદાવાદથી ઉપડતી આ સ્પેશિયલ ટ્રેનોના શિડ્યુલમાં થયો મોટો ફેરફાર

સવાલ એ છે કે, શું ગુજરાતમાં tmc ની વિચારધારા ધરાવતો વર્ગ છે? એક તરફ આમ આદમી પાર્ટીની ગુજરાત (Gujarat) માં પગપેસારો, અને બીજી તરફ tmc ની પણ એન્ટ્રી. પશ્ચિમ બંગાળના વિધાનસભા ચૂંટણીમાં શાનદાર જીત મેળવ્યા બાદ મમતા બેનરજી સતત મોદી સરકાર પર પ્રહાર કરતા રહ્યા છે. આ વચ્ચે સીએમ મમતા બેનરજી અને તેમની પાર્ટી તૃણમૂલ કોંગ્રેસ ગુજરાતમા કમર કસતી નજર આવી રહી છે. પહેલા તો મમતા બેનરજી શહીદ દિવસની ઉજવણી માત્ર કોલકાતા સુધી સિમિત રાખતા હતા. પરંતુ હવે તેઓ દેશના અનેક રાજ્યોમાં વરર્ચ્યુઅલ મીટિંગ કરવા જઈ રહ્યાં છે. ગુજરાતમાં પણ ગુજરાતી ભાષામાં વરચ્યુઅલ મીટિંગના બેનર લગાવાયા છે. 

આ પણ વાંચો : ગુજરાતના આ વેપારીઓને ફોન કરીને અંડરવર્લ્ડ ડોન રવિ પુજારીએ માંગી હતી ખંડણી

અનેક રાજ્યોમાં થશે લાઈવ પ્રસારણ
પશ્ચિમ બંગાળના મુખ્યમંત્રી કોવિડ 19 મહામારીને કારણે સતત બીજા વર્ષે વચ્યુઅલી લોકોને સંબોધિત કરશે. મમતા બેનરજીના ભાષણને પશ્ચિમ બંગાળ ઉપરાંત પહેલીવાર તમિલનાડુ, દિલ્હી, પંજાબ, ત્રિપુરા, ગુજરાત, ઉત્તર પ્રદેશ જેવા બીજા રાજ્યોમાં પણ પ્રસારિત કરવામાં આવશે. આ પોસ્ટર પર લખ્યુ કે, મમતા બેનરજી 21 જુલાઈના રોજ બપોરે 2 વાગ્યે વરચ્યુઅલી સંબોધિત કરશે. મમતા દીદીના તસવીરવાળા બેનર ગુજરાતમાં લાગ્યા છે.