Gujarat Lok Sabha Election Result 2024: દેશમાં ભાજપને જો સૌથી વધુ સીટ મળવાની આશા છે તો તે ગુજરાતથી છે. ત્યારે ગુજરાતના લોકો કોની સરકાર બનાવશે, તે આજે સ્પષ્ટ થઈ જશે. ગુજરાતની જનતા ભાજપ પર ફરી ભરોસો મુકશે કે પછી કોંગ્રેસને આપશે ચાન્સ... 26માંથી 26નો દાવો કરતા ભાજપને મળશે તમામ સીટ કે પછી કોંગ્રેસ આપશે ટક્કર... શું ફરી મોદી મેજિક ભાજપને જીતાડશે ગુજરાતનો ગઢ... તેના પર આજે ગુજરાતની જનતાની રહેશે નજર...
આજના ગુજરાતના પરિણામોમાં જો કોઈ સૌથી હોટ ફેવરિટ હોય તો તે છે પરશોત્તમ રૂપાલા... કેમ કે ક્ષત્રિયોનો વિરોધ રૂપાલાને કેટલું નુકસાન કરવામાં સફળ થશે તેના પર જ લોકોની નજર છે. તો સાથે જ રૂપાલા સહિત 4 કેન્દ્રિય મંત્રીઓની શાખ પણ આજે દાવ પર રહેશે. તો ભાજપમાંથી સી.આર.પાટીલ અને પૂનમ માડપ પર પણ લોકોની રહેશે નજર,,, તો કોંગ્રેસમાં બેઠક જીતાડવા માટે અમિત ચાવડા, પરેશ ધાનાણી, ગેનીબેન પર રહેશે દારોમદાર...
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
ભાજપમાં હાથમાંથી ગયું દીવ-દમણ
સંઘ પ્રદેશ દમણ-દીવ માં મોટો અપસેટ સર્જાયો. ત્રણ વખતથી વિજેતા ભાજપના ઉમેદવાર લાલુ પટેલની હાર થઈ. અહીં અપક્ષ ઉમેદવાર ઉમેશ પટેલનો ભવ્ય વિજય થયો. અપક્ષ ઉમેદવાર ઉમેશ પટેલે ભાજપના ગઢમાં ગાબડું પાડ્યું. પ્રશાસક પ્રફુલ પટેલથી મતદારો ભારે નારાજ હતા, જેની અસર ચૂંટણીના પરિણામોમાં જોવા મળી.
કોંગ્રેસના નૈષદ દેસાઈનું મોટું નિવેદન
નવસારી લોકસભા બેઠકના કોંગ્રેસના ઉમેદવાર નૈષદ દેસાઈએ નિવેદન આપતા કહ્યું, મારી જગ્યાએ ગાંધીજી હોત તો એ પણ કદાચ આજે હારી જાત. મેં ગાંધીવેશ ધારણ કર્યો એટલે મને બે મત વધારે મળ્યા. જો ગાંધીજી હોત તો બે મત ઓછા મળત. અમને જે મતદારો ગત ચૂંટણીમાં મતો આપતા હતા, એમણે મત આપ્યા છે. પણ નવા મતદારોને અમે જોડવામાં નિષ્ફળ રહ્યા છીએ. ગાંધી વિચાર સાથે ચૂંટણી લડવાનો પ્રયાસ કર્યો, પણ યુવાનો જોડવામાં નિષ્ફળ રહ્યા.
ખેડા લોકસભામાં ભાજપની જીત નક્કી
કોંગ્રેસના ઉમેદવાર કાળુસિંહ ડાભી સામે ભાજપના ઉમેદવાર દેવુસિંહ ચૌહાણ મેદાનમાં હતા. 11 માં રાઉન્ડના અંતે 1,89,000 મતોથી ભાજપ ઉમેદવાર દેવુસિંહ ચૌહાણ આગળ છે. ખેડા લોકસભાના ભાજપના ઉમેદવાર દેવુસિંહ ચૌહાણ મીડિયા રૂમમાં પહોંચ્યા. દેવુંસિંહ ચૌહાણ સાથે નડિયાદ ધારાસભ્ય પંકજ દેસાઈ માતર ધારાસભ્ય કલ્પેશ પરમાર જિલ્લા અધ્યક્ષ અજય બ્રહ્મભટ્ટ પણ જોવા મળ્યા
પાટણમાં ભાજપને મોટો ઝટકો
ભાજપમાં જશ્નનો માહોલ
ગુજરાતમાં 5 લાખને પાર જવામાં અમિત શાહ સફળ રહ્યાં. ગાંધીનગર લોકસભા બેઠક પર ભાજપના અમિત શાહની લીડ 5 લાખને પાર થઈ. તો બીજી તરફ, ભાજપના તમામ કાર્યાલયો પર ઉત્સાહનો માહોલ જોવા મળ્યો છે. ગાંધીનગર પ્રદેશ કાર્યાલયે ઉત્સાહનો માહોલ જોવા મળ્યો. કાર્યકર્તાઓએ જય શ્રી રામના નારા લગાવ્યા. ઘણી સીટો ઉપર લીડ જોતા કાર્યકર્તાઓ ઉત્સાહમાં આવી ગયા છે. જામનગરમાં પૂનમબેન માડમ 112595 મતથી આગળ
ભાજપના ઉમેદવાર ચાલુ મતગણતરીએ યજ્ઞમાં બેસ્યા
પંચમહાલ લોકસભાના ભાજપના ઉમેદવાર રાજપાલસિંહ જાદવ ગાયત્રી યજ્ઞમાં જોડાયા. એક તરફ મતગણતરી ચાલી રહી છે ત્યારે બીજી તરફ રાજપાલસિંહ યજ્ઞમાં જોડાયા. તેમણે કાલોલના ગાયત્રી મંદિરે યજ્ઞમાં ભાગ લીધો. ગાયત્રી પરિવારની મહિલા સભ્યો અને ભાજપની મહિલા કાર્યકરોએ તેમના પર પુષ્પવર્ષા કરી. નરેન્દ્ર મોદી સતત ત્રીજી વખત વડાપ્રધાન બને અને રાજકોટની ઘટનામાં મૃત્યુ પામેલાની આત્માને શાંતિ મળે તે માટે યજ્ઞ કરાયો. જેમા મોટી સંખ્યામાં સમર્થકો જોડાયા.
1 લાખથી વધુની લીડ મેળવનારા ઉમેદાવારો
મતગણતરીમાં કર્મચારીઓની તબિયત લથડી
ભાવનગર મત ગણતરી દરમ્યાન સવારથી અત્યાર સુધીમાં 2 લોકોની તબિયત લથડી. સવારમાં BMC ના કર્મચારીની તબિયત લથડ્યા બાદ હાલ રસોઈયાની તબિયત લથડી. તાત્કાલિક એમ્બ્યુલન્સ દ્વારા સારવાર માટે ખસેડવામાં આવ્યા
સાબરકાંઠા અને બનાસકાંઠામાં ઈવીએમ ખોટકાયું
મતગણતરીના લેટેસ્ટ આંકડા અનુસાર, 25 માંથી માત્ર એક પાટણ બેઠક પર કોંગ્રેસ આગળ છે. બાકીની 24 બેઠકો પર ભાજપ આગળ છે.
ભાજપના દિગ્ગજોની લીડ
રાજકોટ બેઠક પર પરષોત્તમ રૂપાલા 107336 મતથી આગળ
ગાંધીનગર લોકસભા બેઠક પર અમિત શાહ ૨,૬૮,૦૦૦ મતોથી લીડથી આગળ
નવસારી ભાજપના સીઆર પાટીલ 94764 વોટથી આગળ
3 બેઠકો પર કોંગ્રેસ આગળ
મતગણતરીના લેટેસ્ટ આંકડા અનુસાર, ઉત્તર ગુજરાતની ત્રણ બેઠકો પર કોંગ્રેસનો દબદબો. સાબરકાંઠા, બનાસકાંઠા, પાટણમાં કોંગ્રેસ આગળ ચાલી રહ્યું છે. બાકીની 23 બેઠકો પર ભાજપ આગળ ચાલી રહ્યું છે. તો દમણ -દીવ લોકસભા બેઠક પ્રથમ રાઉન્ડમાં અપક્ષ ઉમેદવાર ઉમેશ પટેલ 3016 મતથી આગળ છે
કચ્છ લોકસભા બેઠક મતગણતરી
અમિત શાહ 2 લાખ લીડથી આગળ
પોરબંદર ઉમેદવાર તરીકે મનસુખ માંડવિયા એટલે અમારા માટે ગૌરવની વાત, સારામાં સારી લીડથી જીતશું: જયેશ રાદડિયા#Porbandar #ResultsOnZee #ElectionResults #LoksabhaElectionResults #BJP #NDA #Congress #INDIAAlliance #ZEE24Kalak #Gujarat #LokSabhaElection2024 pic.twitter.com/0p7JfRdyEC
— Zee 24 Kalak (@Zee24Kalak) June 4, 2024
ભાજપ ઉમેદવાર મનસુખ વસાવાએ કર્યો જીતનો વિશ્વાસ....#Mansukhvasava #ResultsOnZee #ElectionResults #LoksabhaElectionResults #BJP #NDA #Congress #INDIAAlliance #ZEE24Kalak #Gujarat #LokSabhaElection2024 pic.twitter.com/bYQjHzMoho
— Zee 24 Kalak (@Zee24Kalak) June 4, 2024
લોકસભા ચૂંટણી અને વિધાનસભા પેટા ચૂંટણીના પરિણામ માટે મતગણતરી ચાલી રહી છે. પોરબંદરના વિધાનસભા ભાજપના ઉમેદવાર અર્જુન મોઢવાડીયાએ લોકસભા અને વિધાનસભાની સીટ પર ભાજપના ઉમેદવાર લીડથી જીતશે તેવો વિશ્વાસ વ્યક્ત કર્યો છે. તેમણે મનસુખ માંડવીયાની ગેરહાજરીને લઈને પણ પ્રતિક્રિયા આપી હતી
બનાસકાંઠામાં ગેનીબેન આગળ
બેઠક ગાંધીનગર રાઉન્ડ 3 ના અંતે અમિત શાહ 1 લાખ 17 હજાર મતોથી આગળ
બનાસકાંઠા બેઠક પર રાઉન્ડ -1 ના અંતે કોંગ્રેસના ગેનીબેન ઠાકોર 6291 મતથી આગળ, ભાજપના રેખાબેન ચૌધરી પાછળ
રાજકોટ લોકસભા બેઠક પર પરસોતમ રૂપાલા ભાજપ 25672 મતથી આગળ
પોરબંદર લાકસભામાં રાઉન્ડ -1 ના અંતે મનસુખ માંડવીયા 18448 લીડથી આગળ
4 થી વધુ બેઠકો પર કોંગ્રેસ આગળ
રાજકોટ લોકસભા બેઠક પર રાઉન્ડ - 2 માં પરસોત્તમ રૂપાલાને 21882 અને પરેશ ધાનાણીને 9524 મત. પરસોતમ રૂપાલા 12358 મતથી આગળ
મતગણતરીમાં કોણ આગળ અને કોણ પાછળ
કોણ આગળ કોણ પાછળ
મહેસાણામાં ભાજપના હરિભાઈ 1606 મતોથી આગળ, કોંગ્રેસના રામજી ઠાકોર મતોથી પાછળ,
બનાસકાંઠામાં બીજા રાઉન્ડમાં ગેનીબેન ઠાકોર આગળ અને રેખાબને ચૌધરી પાછળ
ગાંધીનગરમાં અમિત શાહ આગળ, રાજકોટમાં રૂપાલા આગળ
ગાંધીનગર લોકસભા બેઠક પર પોસ્ટલ બેલેટની મતગણતરી શરૂ થઈ. ભાજપના ઉમેદવાર અમિત શાહ આગળ ચાલી રહ્યાં છે. તો રાજકોટ લોકસભા બેઠકની મતગણતરી શરુ થઈ છે. સૌપ્રથમ પોસ્ટલ બેલેટની ગણતરી હાથ ધરવામાં આવી છે. થોડીવારમા પ્રથમ રૂઝાન સામે આવશે. ભાજપ ઉમેદવાર પરસોત્તમ રૂપાલા આગળ ચાલી રહ્યા છે. મહેસાણા લોકસભા બેઠક પર પોસ્ટલ બેલેટની ગણતરી ચાલુ કરાઈ. ભાજપના હરિભાઈ પટેલ કુલ 14000 મત પોસ્ટલ બેલેટમાં આગળ ચાલી રહ્યાં છે.
મતગણતરી શરૂ થઈ
બરાબર 8 વાગ્યાના ટકોરે મતગણતરી શરૂ કરાઈ. ભાજપના પ્રદેશ પૂર્વ મહામંત્રી પ્રદીપસિંહ વાઘેલા ગાંધીનગર લોકસભા મત ગણતરી સ્થળે પહોંચ્યા. મીડિયા સાથેની વાતચીતમાં કેન્દ્રીય મંત્રી અમિત શાહ અને દેશના પ્રધાનમંત્રી નરેન્દ્ર મોદી ની આગેવાનીમાં ભાજપ ભવ્ય વિજય મેળવશે તેઓ દાવો કર્યો. પ્રદીપસિંહ વાઘેલા દ્વારા ભાજપના કાર્યકર્તાઓને ભવ્ય વિજય માટે એડવાન્સમાં શુભકામનાઓ પાઠવી.
રૂપાલાએ મહાદેવ અને હનુમાનજી મંદિરે દર્શન કર્યાં
આજની તિથિએ શિવરાત્રી પણ છે. તેથી મતગણતરી સેન્ટર પર જતા પહેલા રાજકોટના ભાજપના ઉમેદવાર પરસોત્તમ રૂપાલાએ મહાદેવના દર્શન કર્યા હતા. તેમણે ભગવાન શિવને જળાભિષેક કર્યું હતું. તો કાલાવડ રોડ ઉપર આવેલા ચમત્કારી હનુમાન મંદિર ખાતે હનુમાનજીના દર્શન કર્યા હતા. તેના બાદ તેઓ ઈજનેરી કોલેજમાં મિડિયા સેન્ટર પહોંચ્યા હતા. દેશ ભરમાં ચાલતી મતગણતરીની વિગતો અને માહિતી જાણવા મીડિયા સેન્ટર પહોંચ્યા.
અમિત શાહ જંગી લીડથી જીતશે
ગાંધીનગર લોકસભા બેઠકની સીધી જવાબદારી ધરાવતા રાજ્યસભાના સાંસદ મયંક નાયક ઝી 24 કલાકની સાથેની વાતચીતમાં તેમણે સમગ્ર દેશમાં 400 પ્લસ સાથે એનડીએ ગઠબંધન આવશે તેવો દાવો કર્યો. ગાંધીનગર લોકસભા બેઠકમાં સૌથી જંગી લીડથી કેન્દ્રીય મંત્રી જીતશે તેઓ પણ દાવો કર્યો છે. કોંગ્રેસના સોનલ પટેલના આક્ષેપોને નકારતા ગાંધીનગરની પ્રજાએ અમિતભાઈને ખોબે ખોબે મત આપ્યા હોવાથી ઐતિહાસિક મતોથી જીતશે તેઓ પણ દાવો તેઓએ કર્યો.
ગેનીબેને મતગણતરી પહેલા પાતાળેશ્વર મહાદેવના દર્શન કર્યાં
આજે લોકસભાની ચૂંટણીની મતગણતરી છે ત્યારે બનાસકાંઠામાં પણ 12 ઉમેદવારોના ભાવિનો ફેંસલો થવાનો છે, ત્યારે બનાસકાંઠાના કોંગ્રેસના ઉમેદવાર ગેનીબેન ઠાકોર મતગણતરી કેન્દ્ર પર જતાં પહેલાં પાલનપુરના પાતળેશ્વર મહાદેવના મંદિરે પહોંચ્યા હતા. જ્યાં તેમને પાતળેશ્વર મહાદેવના દર્શન કર્યા હતા અને જળાભિષેક કર્યો હતો. તેમણે જીતનો આશાવાદ સેવતા કહ્યું હતું કે મહાદેવ અને જિલ્લાના લોકોના આશીર્વાદ મારી સાથે છે. 2017 અને 2022માં પણ મેં મતગણતરીના દિવસે મહાદેવના દર્શન કર્યા હતા અને મારી જીત થઈ હતી. આજે પણ મેં મહાદેવના દર્શન કર્યા છે મને વિશ્વાસ છે કે મારી જીત જ થશે. હું જીત્યા બાદ જિલ્લાના અનેક વિકાસના કામો કરીશ.
રાજકોટ બેઠક અમે જીતીશું - કોંગ્રેસ
કોંગ્રેસના પૂર્વ ધારાસભ્ય લલિત કગથરાએ ચૂંટણીના પરિણામ પહેલા નિવેદન આપતા કહ્યું કે, પ્રજા ત્રાહિમામ પોકારી ચૂકી છે. ઇન્ડિયા ગઠબંધનની સરકાર બનવા જઇ રહ્યા છે. રાજકોટ બેઠક પર 100% અમે જીતીશું. પ્રજા અગ્નિકાંડ, મોરબી પુલ દુર્ઘટના કાંડથી કંટાળી ચૂકી છે
Thank you
By clicking “Accept All Cookies”, you agree to the storing of cookies on your device to enhance site navigation, analyze site usage, and assist in our marketing efforts.