રજા માટે મારામારી : સુરત GIDC માં રજા માંગતા મિલ માલિકે કામદારને માર માર્યો, વિફરેલા કામદારો રસ્તા પર ઉતર્યા

રજા મામલે મિલ માલિકે કામદારને માર માર્યો 
પ્રાપ્ત માહિતી અનુસાર, સુરતના સુરતના પીપોદરા સ્થિત જીઆઈડીસીમાં કારીગરોએ હોબાળો મચાવ્યો હતો. ગઈકાલે મીલ મલિક દ્વારા એક કારીગરને માર મારવામાં આવ્યો હતો. સપ્તાહમાં પાળી બદલાય ત્યારે એક દિવસ રજા આપવાની કારીગરો માંગ કરી રહ્યા હતા. જેથી ગઈકાલે સાંજે મિલ માલિકો દ્વારા એક મિલ કામદારને માર મારવામાં આવ્યો હતો. આ મિલ કામદારને સારવાર અર્થે સુરત સિવિલ હોસ્પિટલ દાખલ કરવામાં આવ્યો છે. જેના બાદ અન્ય કર્મચારીઓ વિફર્યા હતા. 

વિધાતાએ વિધિના કેવા લેખ લખ્યા! કડીના પાટીદાર યુવકનું જન્મદિને હાર્ટ એટેકથી મોત થયું

 

સુરત: પીપોદ્રા GIDCમાં મીલ માલિકે એક કારીગરને માર મારતા હોબાળો, પોલીસે ફરિયાદ દાખલ કરી મીલ માલિકની અટકાયત કરી#Surat #Police #News #Gujarat pic.twitter.com/AfvBp5nRnG

— Zee 24 Kalak (@Zee24Kalak) January 13, 2024

 

વિફરેલા કામદારોએ પોલીસ પર કર્યો હુમલો
માંગરોળની પિપોદરા GIDCમાં ગઈકાલે મીલ માલિક દ્વારા એક કારીગરને માર મારવામાં આવ્યો હતો. જેને લઈ સપ્તાહમાં પાળી બદલાય ત્યારે એક દિવસ રજા આપવાની કારીગરો માગ સાથે રસ્તા પર ઉતર્યા હતા. મામલો વધુ ઉગ્ર બનતા જિલ્લા પોલીસનો મોટો કાફલો ઘટનાસ્થળે ખડકાયો. કામદારોએ પથ્થરમારો શરૂ કરી દેતા પોલીસના ગાડીના કાચ તૂટ્યા. પોલીસે હુમલાને કાબૂ કરવા 6 ટીયરગેસના સેલ છોડી સમગ્ર વિસ્તારમાં પેટ્રોલિંગ હાથ ઘર્યું. તો કેટલાક પોલીસ કર્મીઓને ઈજા પહોંચી હોવાના પણ અહેવાલ મળ્યાં છે. 

કામદારને મારવાની ઘટના સીસીટીવીમાં કેદ 
કામદારોના હોબાળાને લઈ જિલ્લા પોલીસનો મોટો કાફલો ઘટના સ્થળે પહોંચી ગયો હતો. પોલીસ દ્વારા ફરિયાદ દાખલ કરી મિલ માલિકોની અટકાયત કરાઈ છે. કામદારને માર મારવાની ઘટના સીસીટીવીમાં કેદ થઈ હતી.

ગુજરાતની આ બેંકની માન્યતા RBI એ કરી રદ, ખાતું હોય તો ચેતી જજો