જામનગર-જમ્મુમાં મોડી રાત્રે ભૂકંપના આંચકાથી લોકોમાં ઠંડી અને ડર બંન્નેથી ફફડ્યાં

રવિવારે રાત્રે જામનગર પંથકમાં ભૂકંપના બે આંચકા અનુભવાયા હતા. રાત્રે 11.04 વાગ્યે 2.5ની તીવ્રતાનો ભૂકંપનો આંચકો અનુભવાયા બાદ 11.09 વાગ્યે બીજો ભૂકંપનો 2.3ની તીવ્રતાનો આફ્ટર શોક આવતા લોકો ઘરની બહાર નિકળી ગયા હતા. જો કે ભૂકંપના મુદ્દે કોઇ જાનહાની સર્જાઇ નથી. આ ભૂકંપનું કેન્દ્ર બિંદુ જામનગરથી 28 કિલોમીટર દુર હોવાનું નોંધાયું હતું. જો કે મોડી રાત્રે ભૂકંપના ઝટકા અનુભવાતા લોકોમાં ફફડાટ વ્યાપ્યો છે. લોકો કડકડતી ઠંડીમાં પણ ડરનાં કારણે ઘરની બહાર બેસી રહેવા માટે મજબુર બન્યા છે.