)
સત્યમ હંસોરા, રાજકોટ: શહેરમાં વધુ એક હત્યાની ઘટના સામે આવી છે. શહેરના ઇન્દિરા સર્કલ પાસે 5 જેટલા શખ્સો દ્વારા 2 યુવાકો પર છરી વડે હુમલો કરાતા 1 યુવકનું મોત નીપજ્યું છે. જ્યારે અન્ય યુવકને સારવાર અર્થે હોસ્પિટલ ખસેડવામાં આવ્યો છે.
વધુમાં વાંચો:
હુમલામાં ભોગ બનનાર કુલદીપ ખવડ અને અભિલવ કાઠી જસદણથી આજે રાજકોટ કામથી આવ્યા હતા. જ્યાં તેઓ ગઇકાલ રાત્રીના સમયે ઇન્દિરા સર્કલ નજીક બરફનો ગોળો ખાવા પહોંચ્યા હતા. તે સમયે જ 5 જેટલા શખ્સો આવી પહોંચ્યા હતા. અને બંને યુવકો પર છરી વડે હુમલો કરવામાં આવ્યો હતો.
જુઓ લાઇવ ટીવી:-
આ ઘટનામાં કુલદીપ ખવડનું મોત નીપજ્યું છે. જ્યારે ઘટનાની જાણ થતા ઉચ્ચ અધિકારીઓ સહીતનો પોલીસ કાફલો સ્થળ પર દોડી આવ્યો હતો. પોલીસે આ સમગ્ર મામલે ઘટના સ્થળના સીસીટીવી ફૂટેજ મેળવી વધુ તપાસ હાથ ધરી છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
