ખેડૂતોને સાથે રાખી ફરી માપણી કરાશે, એજન્સીઓ સામે પગલાં ભરાશે: કૌશિક પટેલ

કોશિક પટેલે ઉમેર્યું હતું કે, ખેડૂતોનું હિત જળવાય તે હેતુથી મુખ્યમંત્રી વિજય રૂપાણીની સરકારે ખેતીની જમીનની માપણીમાં પ્રમોલગેશન પછી ખેડૂતોની વાંધા અરજીના નિકાલ માટે ખેડૂતોને સાથે રાખી પારદર્શી રીતે ચોક્કસાઈથી અને ખેડૂતોને સંતોષ થાય તે રીતે પુનઃ માપણી કરી વાંધા અરજીનો નિકાલ કરવા ખેડૂતલક્ષી અને ખેડૂતોના ખેતીની જમીનના રેકર્ડ જાળવણી અને માલિકી હક્કો માટે મહત્વનો નિર્ણય કર્યો છે.

ખેતીની જમીનની રી-સર્વેની માપણીમાં માપણી કરનાર એજન્સીની નિષ્કાળજીને કારણે જે ક્ષતિઓ જણાયેલ છે તેવા કિસ્સામાં સંબંધિત માપણી કરનાર એજન્સીઓ સામે રાજ્ય સરકાર કડકમાં કડક પગલાં ભરશે.