ઉદય રંજન/અમદાવાદ: ખાનગી ન્યૂઝ ચેનલના પત્રકાર ચિરાગ પટેલના અપમૃત્યુ કેસમાં પોલીસની ‘જો અને તો’ની થિયરી પર તપાસ ચાલુ છે. પોલીસ ખુદ મુઝવણમા છે કે હત્યા થઈ કે આત્મહત્યા... પોલીસે પોતાની આબરૂ બચાવવા આત્મહત્યા હોવાનો ખુલાસો કર્યો. પરંતુ અનેક મુદ્દાઓ હજુ પણ શંકાસ્પદ છે. જેનો કોયડો પોલીસ પણ નથી ઉકેલી શકી. ત્યારે અમદાવાદ પોલીસ ચિરાગને ન્યાય અપાવશે કે નહિ તે સવાલ છે.. પરંતુ ચિરાગને ન્યાય અપાવવા માટે તમામ લોકોએ સોસીયલ મિડીયા પર અભિયાન શરૂ કર્યુ છે.
ચિરાગની રહસ્યમયી મોત અંગે ઘૂંટાતુ રહસ્ય હજુ પણ અકબંધ છે. આ કેસમાં નિકોલ પોલીસ અને DCP કક્ષાના અધિકારી પહેલાથી ચિરાગ પટેલે આત્મહત્યા કરી હોવાની થિયેરી ઉપર તપાસ શરૂ કરી હતી. પત્રકાર પરિસદમા પણ આત્મહત્યા કરી હોવાનો ખુલાસો કર્યો હતો. પરંતુ ઘટનાસ્થળેથી પોલીસને ચિરાગે જ્વલનશીલ પદાર્થ છાંટીને આત્મહત્યા કરી હોય એવા કોઈ પુરાવા નથી મળ્યા. છતા પણ તેઓ માત્ર આત્મહત્યાના કરી હોવાની દિશામાં તપાસ આરંભી હતી.
આ ઘટનાને ત્રણ દિવસ વીતી ગયા છતા પોલીસ તપાસ હાલ પેપર પર જ રહી છે. પોલીસ અંધારામાં જાણે ફીફા ખાંડતી હોય તેમ તપાસ કરી રહી છે. બીજી તરફ ચિરાગ પટેલના પરિવારજનો અને સમગ્ર અમદાવાદ શહેર આ ઘટનાના કારણે શોકમાં ડૂબી જવાની લાગણી ઉભી થઈ છે. આ સમગ્ર પ્રકરણમાં હજી એવી ખુટતી કડીઓ છે જેના કારણે પોલીસ તપાસ સામે અનેક પ્રશ્નો ઉભા થયા છે. ત્યારે CM રૂપાણીએ ચિરાગ પટેલની હત્યા મામલે ગંભીર નોંધ લઈ પોલીસને કડક તપાસના આદેશ આપ્યા છે.
હાલમા તો હત્યાના બદલે આત્મહત્યાની થિયરી પર પોલીસની તપાસ તેજ છે.. પરંતુ હત્યાની શકયતાઓને પણ નકારી નથી રહયા.. ત્યારે સોસીયલ મિડીયા પર #justiceforchirag ટ્રેન્ડ શરૂ થતા પોલીસે પણ પોતાનો બચાવ કર્યો છે.. મહત્વનુ છે કે પોલીસ હત્યાને તો નકારી રહી છે પરંતુ આત્મહત્યાને પણ સાબિત કરી શકી નથી.. ત્યારે હજારો લોકોએ ચિરાગના પરિવારજનોને ન્યાય અપાવવાની માંગણી કરીને કેન્ડલ માર્ચ દ્રારા પોતાનુ દુખ વ્યકત કર્યુ હતુ.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે