હવે ધોરાજીમાં યુવકે પ્રેમીકા પર કર્યો જીવલેણ હુમલો, છરી વડે નાક અને વાળ કાપી નાખ્યા

પ્રાપ્ત વિગત અનુસાર ધોરાજી શહેરમાં આવેલી આંબાવાડી કોલોનીમાં રહેતી ફરજાબેન સીતારભાઈ માલવિયા નામની મહિલા પર રાજકોટ રહેતા સુલતાન ઉર્ફે ટીપુ જનમામદભાઈ જુણેજા નામના પ્રેમીએ હુમલો કર્યો હતો. પતિ સાથે છુટાછેડા બાદ મહિલા એક વર્ષ પહેલાં પ્રેમી સુલતાન સાથે રાજકોટમાં રહેતી હતી. ત્યારબાદ પોતાના માતાના ઘરે ધોરાજી પરત ફરી હતી. ત્યારબાદ સુલતાને ફરજાનાને રાજકોટ આવવા માટે દબાણ કર્યું હતું. પરંતુ તે ન આવતા સુલતાન ધોરાજી પહોંચ્યો અને હુમલો કર્યો હતો. 

સુલતાને કર્યો હત્યાનો પ્રયાસ
ગુસ્સા સાથે ધોરાજી પહોંચેલા સુલતાને ફરજાનાનું ગળુ દબાવી હત્યાનો પ્રયાસ કર્યો હતો. સુલતાનના હુમલા દરમિયાન ફરજાનાના હાથમાં ઈજા થઈ છે. પ્રેમીકા પર હુમલો કરી સુલતાન અને તેનો મિત્ર ભાગી ગયા હતા. ઈજાગ્રસ્ત યુવતીને સારવાર માટે જૂનાગઢ લઈ જવામાં આવી હતી. તેની ઈજા ગંભીર હોવાને કારણે વધુ સારવાર માટે રાજકોટ ખસેડવામાં આવી છે. 

આ પણ વાંચોઃ 'મને એકવાર થયું કે મારી રિવોલ્વરથી આને જાહેરમાં ગોળી મારું, કોઈના બાપની શરમ રાખ્યા વિના...''

મહિલાના પેટમાં છરીના ઘા મારવાના પ્રયત્નને રોકવા માટે મહિલાએ પોતાના હાથ વડે બચાવ કરવાનો પ્રયત્ન કરતા બન્ને હાથમાં ઈજાઓ પહોંચી હતી. જે બાદ મહિલાને પછાડી અને પ્રેમીના મિત્રએ પકડી રાખી અને પ્રેમીએ ગળુ દબાવી જાનથી મારી નાંખવાનો પ્રયત્ન કર્યો હતો અને બાદમાં મહિલાનું નાક કાપી અને બન્ને ગાલ પર છરી વડે ઈજાઓ પહોંચાડી હતી.

હાલ સમગ્ર ઘટનાને લઈને ધોરાજી પોલીસે ભોગ બનનાર ફરિયાદીની ફરિયાદ અનુસાર વધુ પૂછતાછ અને તપાસ શરૂ કરી છે. પોલીસે આરોપી પ્રેમીને ઝડપી લેવા માટે ચક્રો ગતિમાન કર્યાં છે. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube