ગુજરાતમાં ચોમાસા પહેલા આવી ગયો વરસાદ, આ જિલ્લાઓમાં વીજળીના કડાકા સાથે વરસ્યા મેઘરાજા

આકરા ૪૧ ડિગ્રી સાથેના તાપ બાદ મોડી સાંજે ધોધમાર વરસાદ વરસતાં શહેરીજનોને ગરમીથી તો રાહત મળી હતી પણ ચાલુ દિવસના મોડી સાંજે વરસાદથી લોકોની હાલત બગડી ગઈ છે. એક સાથે અઢી ઈંચ પાણી પડતાં ઠેરઠેર ચોમાસા જેવો માહોલ હતો. સાંજના પોણા છથી પોણા આઠ વાગ્યા સુધીમાં અઢી ઈંચ જેટલો વરસાદ ખાબકી ગયો હતો. ફ્લડ કંટ્રોલ વિભાગના સત્તાવાર આંકડા પણ ૫૯ મિ.મી.ના નોંધાયા હતા. 

ગુજરાત પર એક નહિ બે સંકટ : એકસાથે બે વાવાઝોડા ત્રાટકશે, ફરી ચક્રવાત તબાહી લાવશે

હાલ ગુજરાતમાં વરસાદ 
અરબી સમુદ્રમાં 6 થી 9 જુનમાં ચક્રવાત ત્રાટકવાની સંભાવના છે. ત્યારે આજથી પાંચ દિવસ ગુજરતભરમાં વરસાદની આગાહી કરવામાં આવી છે. આજથી પાંચ દિવસ 50 કિમીની ગતિએ પવન ફૂંકાઈ શકે છે. ગુજરાતમાં વાવાઝોડાની અસર પહેલા જ વરસાદ જોવા મળ્યો છે.ભાવનગરમાં ભારે પવન સાથે ધોધમાર વરસાદ વરસ્યો હતો. ભારે વરસાદના કારણે અનેક વિસ્તારોમાં પાણી ભરાયા છે. નીચાણવાળા વિસ્તારમાં પાણી ભરાતાં સ્થાનિકો પરેશાન થયા છે. 

ગુજરાત પર નહિ આવે સુનામીનું સંકટ, કાંઠાના લોકોનું રક્ષણ કરવા શરૂ કરાયો મિસ્ટી અભિયાન

આ પાંચ દિવસ ક્યા ક્યા વરસાદ પડશે
2-3 જૂન - બનાસકાંઠા, સાબરકાંઠા
3 જુન - બનાસકાંઠા, સાબરકાંઠા, સુરત, વલસાડ, નનવસારી, દમણ
4 જૂન - સૌરાષ્ટ્ર-કચ્છમાં 50 કિમી ઝડપે પવન ફૂંકાઈ શકે છે
5 જુન - બનાસકાંઠા, સાબરકાંઠા, પાટણ, મહેસાણામાં વરસાદ

ગુજરાતની જેલમાં બેઠો બેઠો ઉઘરાવી રહ્યો છે ખંડણી, 2-2 કરોડની ધમકી આપતાં મચ્યો હડકંપ

ભાવનગરના કરચલિયા પરા સહિતના વિસ્તારોમાં ધોધમાર વરસાદની સાથોસાથ કરા પણ વરસ્યા હતા. ભાવનગરના કોમ્પલેક્ષ, ફ્લેટ, એપાર્ટમેન્ટના પાર્કિંગોમાં પણ પાણી ભરાયા હતા. તોફાની પવન અને ધોધમાર વરસાદના કારણે શહેરના પ્રભુદાસ તળાવ, કાળિયાબીડ, રૂપાણી સહિતના અનેક વિસ્તારોમાં વીજ પુરવઠો ખોરવાયો હતો. પાનવાડી અને અન્ય વિસ્તારોમાં વૃક્ષો અને વૃક્ષોની ડાળીઓ ધરાશાયી થઈ હતી. તો બોર્ડ-બેનર પણ કાગળની માફક હવામાં ઉડતા નજરે ચડયાં હતા. ભાવનગરની સાથે ઘોઘામાં પણ બે મિ.મી. કમોસમી વરસાદ વરસ્યો હતો. સિહોરમાં વાવાઝોડા જેવા પવન અને વીજળીના કડાકા-ભડાકા સાથે ઝરમર વરસાદ વરસ્યો હતો. ઉમરાળા, વલ્લભીપુર પંથકમાં પણ કાળાડિબાંગ વાદળો અને વીજકડાકા સાથે છુટાછવાયા છાંટા વરસ્યા હતા. પાલિતાણામાં મોડી સાંજે તેજ પવન ફૂંકાયો હતો. ગારિયાધાર, ઘોઘા, તળાજા પંથકમાં વાતાવરણ સ્વચ્છ રહ્યું હતું. ભાવનગર જિલ્લાના વાતાવરણમાં પલટો આજે પણ જોવા મળ્યો. શહેર અને ગ્રામ્ય વિસ્તારમાં પવન સાથે વરસાદ પડ્યો છે. સમગ્ર પંથકમાં ગાજવીજ સાથે વરસાદ પડ્યો. તો ઉત્તર ગુજરાતમાં પણ વરસાદ જોવા મળ્યો છે. પાટણમાં ભારે પવન સાથે વરસાદ પડ્યો. હારીજ તાલુકામાં ભારે પવન સાથે વરસાદ નોંધાયો. સમગ્ર પંથકમાં વીજળીના કડાકા ભડાકા સાથે વરસાદ વરસ્યો. વરસાદ થતાં રસ્તા પર પાણી ભરાયા છે.

અમદાવાદીઓ આ ખાતા પહેલા સાવધાન! ફેમસ KFC રેસ્ટોરન્ટના પાણીમાં મળ્યા બેક્ટેરિયા