)
અમદાવાદઃ પ્રધાનમંત્રી નરેન્દ્ર મોદીના ડિગ્રી વિવાદ સાથે જોડાયેલા ગુજરાત યુનિવર્સિટી માનહાનિ કેસમાં અરવિંદ કેજરીવાલ ફરી ગુજરાત હાઈકોર્ટ પહોંચ્યા છે. કેજરીવાલે નીચલી કોર્ટ દ્વારા માનહાનિ કેસમાં સમન્સ પાઠવવાને હવે હાઈકોર્ટમાં પડકાર આપ્યો છે. કેજરીવાલે ગુજરાત હાઈકોર્ટમાં જે quashing petition દાખલ કરી છે, તેમાં તેમણે માંગ કરી છે કે સેશન કોર્ટનો જે નિર્ણય છે તેને રદ્દ કરવામાં આવે. એટલું જ નહીં નિચલી કોર્ટે જે સમન્સ પાઠવ્યું છે તે ગેરકાયદેસર છે. તેને રદ્દ કરવામાં આવે. પીએમ મોદીના ડિગ્રી વિવાદ સાથે જોડાયેલા કેસમાં કેજરીવાલને નીચલી કોર્ટે સમન્સ પાઠવ્યું છે. કેજરીવાલની સાથે આ મામલામાં તેમની પાર્ટીના રાજ્યસભા સાંસદ સંજય સિંહ પણ આરોપી છે.
હાઈકોર્ટમાં રાખી બે માંગો
નીચલી કોર્ટ દ્વારા સમન્સ જારી કરવામાં આવ્યા બાદ કેજરીવાલે સેશન્સ કોર્ટમાં સમન્સની કાનૂની માન્યતાને પડકારતી રિવિઝન અરજી દાખલ કરી હતી. જ્યારે સત્રમાં કોઈ સુનાવણી થઈ ન હતી અને અરજી પેન્ડિંગ રહી હતી, ત્યારે કેજરીવાલે હાઈકોર્ટ અને સુપ્રીમ કોર્ટનો સંપર્ક કર્યો હતો. આ પછી સુપ્રીમ કોર્ટે હાઈકોર્ટને કહ્યું હતું અને ત્યારબાદ હાઈકોર્ટે સેશન્સ કોર્ટને 10 દિવસમાં રિવિઝન પર નિર્ણય આપવા જણાવ્યું હતું. ગત સપ્તાહે આપેલા નિર્ણયમાં સેશન્સ કોર્ટે નીચલી કોર્ટના સમન્સને ફગાવી દીધા નથી. આવી સ્થિતિમાં કેજરીવાલે હવે ગુજરાત હાઈકોર્ટનો સંપર્ક કર્યો છે. આમાં કેજરીવાલે સેશન્સ કોર્ટના નિર્ણય તેમજ નીચલી કોર્ટ (મેટ્રોપોલિટન કોર્ટ) દ્વારા જારી કરાયેલા સમન્સને રદ કરવાની માંગ કરતી વિશેષ ફોજદારી અરજી દાખલ કરી છે.
આ પણ વાંચોઃ ગુજરાતે એમપી પર ઢોળ્યો દોષનો ટોપલો, રૂલ લેવલ ન જાળવતાં ગુજરાતમાં પૂર આવ્યું
યુનિવર્સિટી ન કરી શકે કેસ
સેશન કોર્ટમાં નીચલી કોર્ટના સમન્સને પડકારતા કેજરીવાલ તરફથી દલીલ આપવામાં આવી છે કે યુનિવર્સિટી સ્ટેટ (આર્ટિકલ 12) માં આવે છે, તેવામાં માનહાનિનો કેસ કરી શકે નહીં. કેજરીવાલની આ દલીલ પર ગુજરાત યુનિવર્સિટીએ કહ્યું કે તે સાચુ છે કે યુનિવર્સિટીની સ્થાપના ગુજરાત સરકારે કરી છે, પરંતુ યુનિવર્સિટીના નિર્ણય સરકાર કરતી નથી. યુનિવર્સિટીમાં સીનેટ અને સિન્ડિકેટની ચૂંટણી થાય છે. ત્યારબાદ સેશન કોર્ટે સમન્સ રદ્દ કરવાની ના પાડી દીધી હતી.
પબ્લિક યુનિવર્સિટીના બિલથી આવ્યું ટ્વિસ્ટ
સેશન કોર્ટના નિર્ણય બાદ ગુજરાત વિધાનસભામાં એક બિલ પાસ થયું છે. જેના પર રાજ્યપાલની સહી થતા ગુજરાત યુનિવર્સિટીમાં સીનેટ અને સિન્ડિકેટની ચૂંટણી ભવિષ્યમાં થશે નહીં. ગુજરાત યુનિવર્સિટી પર સરકારનું નિયંત્રણ વધારતા આ બિલનો ઉલ્લેખ હાઈકોર્ટમાં સુનાવણી દરમિયાન થઈ શકે છે. હવે તે જોવાનું રહેશે કે યુનિવર્સિટી હાઈકોર્ટમાં શું દલીલ કરે છે?
આ પણ વાંચોઃ અંબાલાલ પટેલની નવી આગાહી! સૌરાષ્ટ્ર અને કચ્છવાળા સાચવજો, 3 દિવસ વારો પાડી દેશે વરસાદ
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
